ایران نے دشمن کی دھمکیوں کے تناسب سے پیشرفتہ میزائل اور دوسرے دفاعی وسائل تیار کئے ہیں۔

ایران کے نائب وزیر دفاع بریگیڈیئر قاسم تقی زادہ نے قم میں نماز جمعہ کے خطبوں سے پہلے نمازیوں کے  اجتماع سے خطاب میں کہا کہ اسلامی جمہوریہ ایران جنگ ہرگز نہیں شروع کرے گا لیکن بہت اچھا مدافع ہے اور ہر جارح کو  شرمناک شکست سے دوچار کرے گا۔

 انھوں نے کہا کہ آج اسلامی جمہوریہ ایران کی مسلح افواج  دشمن کی توانائیوں اور کمزوریوں سے پوری طرح واقف ہیں۔ انھوں نے کہا کہ ہم نے  دشمن کی دھمکیوں کے تناسب سے میزائل اور دیگر دفاعی وسائل تیار کئے ہیں۔

ایران کے نائب وزیر دفاع نے کہا کہ اسلامی جمہوریہ ایران کی بہت سی دفاعی توانائیاں خفیہ ہیں اور دشمن میدان جنگ میں ان کا پتہ چلے گا۔ 

دوسری طرف اسلامی جمہوریہ ایران کی سمندری دفاعی صنعت کے چیئرمین   ایڈمیرل  رستگاری نے رشت میں نماز جمعہ کے خطبوں سے پہلے اپنے خطاب میں بتایا کہ ایران کی دفاعی توانائی اب انسدادی مرحلے میں داخل ہوگئی ہے اور ایران کی دفاعی صنعت میں، سمندری، زمینی اور فضائی جنگ میں استعمال ہونے والے انواع و اقسام کے  پیشرفتہ دفاعی وسائل تیار ہورہے۔