عالمی مجلس تقریب مذاہب اسلامی کے سیکرٹری جنرل آیت اللہ محسن اراکی نے شیخ الازہر شیخ احمد الطیب کو اکتیسویں بین الاقوامی وحدت اسلامی کانفرنس میں شرکت کی باضابطہ طور پر دعوت دے دی ہے۔

تقریب خبر رساں ایجنسی کے مطابق عالمی مجلس تقریب مذاہب اسلامی کے سیکرٹری جنرل آیت اللہ محسن اراکی نے ایران میں موجود مصری نمائندے سے ملاقات کی اور گذشتہ دنوں مصر کے علاقے صحرائے سینا کی مسجد الروضہ پر دہشتگردانہ حملے کی شدید الفاظ میں مذمت کی۔

انہوں نے اس امید کا اظہار کیا کہ مصر اور ایران کے درمیان رابطہ برقرار ہونا چاہئے کیونکہ مصر جامعہ الازہر کی وجہ سے عالم اسلام میں نہایت اہم مقام کا حامل ہے کہا کہ ہمیں امید ہے کہ حوزہ علمیہ قم اور جامعہ الازہر مشکلات کا مقابلہ باہمی تعاون کے زریعے کریں گے۔

اس ملاقات میں آیت اللہ اراکی نے اکتیسویں عالمی وحدت اسلامی کانفرنس میں شرکت کے لئے شیخ الازھر کے نام دعوت نامہ مصری نمائندے یاسر عثمان کے حوالے کیا۔