امریکا کی نئی افغان پالیسی اور ڈونلڈ ٹرمپ کے پاکستان پر الزامات پر غور کے لیے پاکستان کی سیاسی اور عسکری قیادت کا اہم اجلاس وزیراعظم ہاؤس میں جاری ہے۔

پاکستان کے نومنتخب وزیراعظم شاہد خاقان عباسی کی زیر صدارت ہونے والے قومی سلامتی کمیٹی کے اجلاس کے دوران امریکی الزامات پر تفصیلی رد عمل طے کیا جائے گا۔

واضح رہے کہ 22 اگست کو امریکی صدر ڈونلڈ ٹرمپ نے افغانستان، پاکستان اور جنوبی ایشیاء کے حوالے سے نئی امریکی پالیسی کا اعلان کرتے ہوئے افغانستان میں مزید ہزاروں امریکی فوجیوں کی تعیناتی کا عندیہ دیا اور اسلام آباد پر دہشت گردوں کی پشت پناہی کا الزام دہراتے ہوئے ’ڈو مور‘ کا مطالبہ کردیا۔