تقریب نیوز (تنا):  رپورٹ کے مطابق حج کے امور میں نمائندہ ولی فقیہ، حجت الاسلام و المسلمین سید علی قاضی عسگر نے مکہ مکرمہ میں حج اتحاد و وحدت کا مظہر کے عنوان سے منعقدہ سیمینار میں کہا کہ مسلمانوں کے درمیان تفرقہ و اختلافات پھیلانا، سامراجی ممالک خاصطور پر برطانیہ کی پالیسیوں کا حصہ ہے اور حتمی طور پر مسلمانوں کو تفرقہ پر مبنی پالیسیوں کے مقابلے میں ہوشیار رہنے کی ضرورت ہے۔

حج کے امور میں نمائندہ ولی فقیہ نے مزید کہا کہ مسلمانوں کے درمیان وحدت کا محور حتمی طور پر قرآن و سنّت پیمبرۖ کو ہونا چاہیے اور مسلمانوں کو ایک دوسرے کے حقوق کا احترام اور خطرناک تکفیری نظریات سے دوری اختیار کرنی چاہیے۔

حجت الاسلام والمسلمین قاضی عسگر نے بعض ملکوں میں اہل بیت عصمت وطہارت علیھم السلام اور بعض بزرگان اسلام کی توہین و بے حرمتی کیئے جانے کی طرف اشارہ کرتے ہوئے کہا کہ تمام اہل سنّت علماء کرام کے اعتقادات کے مطابق ہر قسم کی بے احترامی حرام ہے۔