ایران کی جانب سے خطے میں امریکہ کی مرکزی رسدگاہ تباہ کئے جانے کا انکشاف

امریکی میڈیا این پی آر کے میزبان نے کہا ہے کہ خلیجِ عمان میں امریکی بحریہ کی مرکزی رسد گاہ کو ایرانی حملے میں نشانہ بنا کر تباہ کر دیا گیا ہے۔ 

امریکی میڈیا ادارے این پی آر کے میزبان نے کہا کہ ایم ایس این بی سی نے اب رپورٹ کیا ہے کہ امریکی طیارہ بردار جہاز لنکن اپنی مطلوبہ رسد حاصل نہیں کر سکا، کیونکہ خلیجِ عمان میں امریکی بحریہ کی رسد کی فراہمی کے لیے قائم مرکزی اڈہ ایرانی حملوں میں تباہ ہو گیا ہے۔

یہ وہ معاملہ ہے جسے وزیر دفاع پیٹ ہیگست نے منظرِ عام پر نہ لانے کا فیصلہ کیا تھا۔ 

امریکی سیاست دان گریگ اسٹینٹن نے کہا کہ یہ پیٹ ہیگست اور امریکا کے صدر کی مکمل انتظامی ناکامی ہے کہ انہوں نے ہمارے فوجیوں اور ملاحوں کو اس طرح خطرے میں ڈال دیا۔

یہ صورتحال ان کے اہلِ خانہ کے لیے واقعی اذیت ناک ہے۔