ایران سمیت ایشیائی اور یورپی ممالک میں رمضان المبارک کا چاند نظر آگیا

اسلامی جمہوریہ ایران سمیت ایشیائی اور یورپی ممالک میں آج رمضان کا چاند نظر آگیا جس کے پیش نظر کل پہلا روزہ ہوگا۔

عالمی خبر رساں ادارے کے مطابق اسلامی جمہوریہ ایران، پاکستان، بھارت، اور بنگلادیش سمیت جنوب ایشیائی ممالک میں آج رمضان المبارک کا چاند نظر آگیا۔

اسی طرح ترکیہ، ملائیشیا، سنگاپور، برونائی، انڈونیشیا اور عمان میں بھی پہلا روزہ کل بروز جمعرات کو ہوگا۔

یورپی ممالک کے اسلامی مشن بورڈز نے چاند نظر آنے کا اعلان کردیا جب کہ امریکا اور برطانیہ میں بھی اکثر شہروں میں کل پہلا روزہ ہوگا۔

اسی طرح کینیڈا اور آسٹریلیا میں کل پہلا روزہ ہوگا۔ متعدد افریقی ممالک کے شہری بھی کل پہلا روزہ رکھیں گے۔

یاد رہے کہ سعودی عرب سمیت خلیجی ممالک میں کل رمضان کا چاند نظر آگیا تھا اور آج پہلا روز تھا۔