پارلیمنٹ کے قومی سلامتی کمیشن میں وزرائے دفاع و خارجہ کی رپورٹ

ایرانی پارلیمنٹ کے خارجہ پالیسی اور قومی سلامتی کمیشن کے ترجمان نے بتایا ہے کہ آج وزرائے دفاع اور خارجہ نے کمیشن میں رپورٹ پیش کی ۔

انھوں نے بتایا کہ دونوں وزرا کے ساتھ میٹنگوں میں دشمنوں کے مقابلے میں مسلح افواج کی اعلی ترین سطح کی آمادگی اور نظام مملکت کی ریڈ لائنوں سے پیچھے نہ ہٹنے پر زور دیا گیا۔    

ایران کے پارلیمانی کمیشن برائے خارجہ پالیسی و قومی سلامتی کے ترجمان رضائی نے بتایا کہ وزیر خارجہ سید عباس عراقچی نے میدان میں مسلح افواج کی کارکردگی کے ساتھ ہی اس حوالے سے ڈپلومیسی اور خارجہ پالیسی کے میدان میں انجام پانے والے اقدامات کی رپورٹ پیش کی اور کہا کہ ہم اپنے بنیادی اصولوں پر ڈٹے ہوئے ہیں اور ملک کی ریڈ لائنوں سے پیچھے نہیں ہٹیں گے۔

ایرانی پارلیمنٹ کے خارجہ پالیسی اور قومی سلامتی کمیشن کے ترجمان نے بتایا کہ اس میٹنگ میں اس بات پر زور دیا گیا کہ حکومت، پارلیمنٹ اور خارجہ پالیسی کے میدان میں ملک کے دفاعی موقف کی تقویت اور جارح صیہونی حکومت کو رسوا کرنے میں کسی بھی کوشش اور توانائی سے کام لینے میں کوتاہی نہ کی جائے۔  

انھوں نے بتایا کہ اس میٹنگ میں ان ملکوں کے لئے جنہوں نے اس جنگ میں صیہونی حکومت کا ساتھ دیا اور اپنی فضائی حدود اس کے اختیار میں دی، انتباہات پر بھی غور کیا گیا ہے۔