چین کا امریکی درآمدی اشیا پر ٹیرف شرح 125 فیصد کرنے کا اعلان

چین کی وزارت خزانہ نے امریکہ سے درآمدی اشیا پر ٹیرف کی شرح بڑھا کر 125 فیصد کرنے کا اعلان کیا ہے۔

چین کی وزارت خزانہ نے امریکہ سے درآمد کی جانے والی اشیاء پر کسٹم ٹیرف کو 125 فیصد تک بڑھانے کا اعلان کیا ہے۔

 امریکی اشیا پر چین کے محصولات پہلے 84 فیصد تک پہنچ گئے تھے، جب کہ نئی شرح کا اطلاق کل  سے ہوگا۔ 

ادھر چین کی وزارت تجارت کی جانب سے کہا گیا ہے کہ ملک کے کچھ شراکت داروں پر امریکی ٹیرف میں 90 دن کا وقفہ واشنگٹن کی بلیک میلنگ کے نتائج کو نہیں بدل سکتا۔ 

واضح رہے کہ امریکہ نے چین سے درآمد کی جانے والی اشیاء پر کسٹم ٹیرف کو  145 فیصد تک بڑھا دیا ہے جس کے ردعمل میں چین نے جوابی اقدام کیا۔

 تجزیہ کاروں کے مطابق امریکی صدر ڈونلڈ ٹرمپ کی جانب سے شروع کیے گئے ٹیرف اضافے سے دنیا کی دو بڑی اقتصادی طاقتوں کے درمیان تجارتی جنگ کا خطرہ پہلے سے زیادہ بڑھ گیا ہے۔