یمن کا تل ابیب کے فوجی اہداف پر ڈرون حملہ

یمن کی مسلح افواج کے ترجمان نے امریکی طیارہ بردار بحری جہاز اور اسرائیلی رژیم کے فوجی ٹھکانوں پر نئے حملوں سے آگاہ کیا۔

یمن کی مسلح افواج کے ترجمان یحیی سریع نے کہا کہ فورسز نے تل ابیب کے فوجی اہداف کو ڈرون حملے کا نشانہ بنایا۔

انہوں نے مزید کہا کہ یمنی فضائیہ نے شمالی بحیرہ احمر میں یو ایس ایس ہیری ایس ٹرومین کے خلاف بھی آپریشن کیا۔

یحیی سریع نے کہا کہ عظیم یمن ناقابل تسخیر ہے اور وہ مظلوم فلسطینی عوام کی حمایت جاری رکھے گا اور امریکی دشمن کے سامنے کبھی ہتھیار نہیں ڈالے گا۔

انہوں نے مزید زور دیا کہ ہم بحیرہ احمر  میں اسرائیلی بحری جہازوں کی نقل و حرکت کو روکیں گے اور غزہ کے خلاف جاری جارحیت کے خاتمے تک غاصب رژیم پر حملے کرتے رہیں گے۔