فلسطینی نوجوان کا اسرائیلی چوکی پر حملہ/ 2 فوجی ہلاک 10 زخمی
ہلاک ہونے والے 2 فوجیوں میں سے ایک کی شناخت سارجنٹ میجر اوفر ینگ کے نام سے ہوئی، تاہم دوسرے کا نام تاحال معلوم نہیں ہوسکا
شیئرینگ :
مقبوضہ مغربی کنارے میں ایک فلسطینی نوجوان نے اسرائیلی چوکی پر حملہ کر دیا، جس کے نتیجے میں 2 فوجی ہلاک جبکہ 10 زخمی ہو گئے۔
غیر ملکی و اسرائیل میڈیا کے مطابق صیہونی فوج نے تصدیق کرتے ہوئے کہا ہے کہ علاقے ’طیاسیر‘ میں چوکی پر فائرنگ کی گئی، جس سے 2 اہلکار ہلاک جبکہ 10 زخمی ہو گئے۔
غیر ملکی خبر رساں ادارے اے ایف پی کے مطابق ہلاک ہونے والے 2 فوجیوں میں سے ایک کی شناخت سارجنٹ میجر اوفر ینگ کے نام سے ہوئی، تاہم دوسرے کا نام تاحال معلوم نہیں ہوسکا۔
اسرائیلی خبر رساں ادارے ینیٹ نیوز نے تنہا فلسطینی نوجوان کے حملے کی تصدیق کرتے ہوئے بتایا ہے کہ صہیونی فوجی چوکی کے احاطے میں 11 فوجی اور ان کا ایک کمانڈر موجود تھے، فلسطینی نوجوان جس کے پاس ایم 16 رائفل اور دو میگزین تھے، رات گئے چیک پوائنٹ کے نزدیک پہنچا اور صبح 6 بجے کے قریب موقع پا کر چوکی پر فائرنگ کردی جس کے نتیجے میں ایک اسرائیلی فوجی موقع پر جبکہ دوسرا بعد ازاں ہلاک ہوا۔