تاریخ شائع کریں2025 3 February گھنٹہ 19:06
خبر کا کوڈ : 666441

فریق مقابل نے ایٹمی معاہدے پر عمل کیا تو تہران بھی کرے گا

اسنیپ بیک میکینیزم استعمال کرنے کا مطلب ایران کے ساتھ ایٹمی سمجھوتے کی مکمل خلاف ورزی ہے اور ایران بھی اس اقدام کا مناسب جواب دے گا
فریق مقابل نے ایٹمی معاہدے پر عمل کیا تو تہران بھی کرے گا
ایران کے ایٹمی انرجی کے ادارے کے سربراہ محمد اسلامی نے کہا ہے کہ اگر فریق مقابل نے ایٹمی معاہدے پر عمل درآمد کیا تو تہران بھی اس سمجھوتے پر عمل کرے گا۔

ایران کے ایٹمی ادارے کے سربراہ محمد اسلامی نے ایک ٹی وی انٹرویو میں کہا ہے کہ مذاکرات کرنے والے یورپی ممالک کا کہنا ہے کہ ہمیں انتظار کرنا چاہئے اور دیکھنا چاہئے کہ امریکی کیا کر رہے ہيں اور اس کے بعد ہم اسی کی بنیاد پر فیصلہ کریں گے۔

ایٹمی انرجی کے عالمی ادارے کے سربراہ نے ایران و یورپ کے درمیان انجام پانے والے مذاکرات کے بارے میں کہا کہ یورپی فریق کے کہنے کا اصلی مقصد یہ ہے کہ پابندیاں ہمارے ہاتھ میں نہيں ہيں اور اس میں ہمارا کوئي کردار نہيں ہے اور یہ موضوع امریکہ کے ہاتھ میں ہے۔

ایران کے ایٹمی انرجی کے ادارے کے سربراہ نے زور دے کر کہا کہ ایٹمی سمجھوتے میں فریق مقابل کی واپسی کی صورت میں ہم بھی اس پر عمل کریں گے۔

محمد اسلامی نے یورپی ممالک کی جانب سے بار بار اسنیپ بیک میکینیزم استعمال کرنے کی دھمکی کی طرف اشارہ کرتے ہوئے کہا کہ اس اقدام کا مطلب ایران کے ساتھ ایٹمی سمجھوتے کی مکمل خلاف ورزی ہے اور ایران بھی اس اقدام کا مناسب جواب دے گا اور اس سلسلے میں مناسب وقت پر فیصلہ کرے گا ۔
https://taghribnews.com/vdcgt393qak93t4.,0ra.html
آپ کا نام
آپکا ایمیل ایڈریس
سکیورٹی کوڈ