ہم اسرائیلی جہازوں کو کہیں بھی نشانہ بنا سکتے ہیں

یمن کے ایک فوجی ذریعے نے کہا ہے کہ یمنی فوج صیہونی حکومت کے جہازوں کو کسی بھی موڑ پر نشانہ بنانے کی صلاحیت رکھتی ہے۔

 یمن کے ایک فوجی ذریعے نے المیادین کے ساتھ ایک انٹرویو میں تاکید کی: "ہماری افواج بحیرہ احمر میں اور ایسی کسی بھی جگہ پر صیہونی جہازوں کو نشانہ بنانے کی صلاحیت رکھتی ہیں جس کے بارے میں دشمن سوچ بھی نہ سکے۔"

انہوں نے کہا: "ہماری مسلح افواج تمام اسرائیلی جہازوں کو نشانہ بنانا چاہتی ہیں، چاہے یہ جہاز فلسطین کی طرف جا رہے ہوں یا کسی اور جگہ۔"

اس رپورٹ کے مطابق یمنی حکام بالخصوص یمن کی تحریک انصار اللہ کے سربراہ سید عبدالملک الحوثی نے صیہونی جہازوں کو دھمکی دی ہے اور تاکید کی ہے کہ صہیونی جہازوں پر اپنا جھنڈا لگانے کی جرأت نہیں کرتے۔

یمنی فوج نے غزہ کی پٹی پر صیہونی حکومت کی فوج کی جارحیت کے آغاز سے ہی مقبوضہ علاقوں پر میزائل اور ڈرون حملوں کے ذریعے فلسطینی مزاحمت کی حمایت کی ہے۔