روس کا ایران اور ایٹمی ایجنسی کے درمیان باقی مسائل کے حل کا خیرمقدم

 ویانا میں مقیم بین الاقوامی اداروں میں روس کے سفیر اور مستقل نمائندے نے ایران اور ایٹمی ایجنسی کے درمیان تحفظات کے مسائل کے حل کے میدان میں ہونے والی پیش رفت واضح اور نمایاں ہے۔

یہ بات میخائل الیانوف نے بدھ کے روز ویانا میں بین الاقوامی جوہری توانائی ایجنسی کے بورڈ آف گورنرز کے اجلاس سے خطاب کرتے ہوئے کہی۔

انہوں نے کہا کہ ہم ایجنسی اور ایران کے درمیان غیر اعلانیہ یورینیم کے ذرات کے بارے میں باقی مسائل کے حل کا خیرمقدم کرتے ہیں۔

الیانوف نے ہونے والی پیشرفت کو کم لیکن انتہائی نمایان قرار دیتے ہوئے مزید کہا کہ یہ مسئلہ تعمیری بات چیت کیلیے فریقین کے عزم کی علامت ہے۔

روسی سفیر نے بھی ایک ٹویٹ میں اعلان کیا کہ بین الاقوامی جوہری توانائی ایجنسی کے بورڈ آف گورنرز نے ایران کے ساتھ این پی ٹی تحفظات کے معاہدوں پر نظرثانی کا عمل مکمل کر لیا ہے۔ گفتگو کے دوران اختلاف کا ایک اہم نکتہ یہ تھا کہ "کیا گلاس آدھا بھرا ہے یا آدھا خالی؟"۔

الیانوف نے بتایا کہ اس سوال کا جواب ہر مقرر کے ذہنی جذبات پر منحصر ہے۔