عراق میں ایرانی اور سعودی سفیروں کی ملاقات

عراق میں ایران اور سعودی عرب کے سفیروں نے بغداد میں ایرانی سفارت خانے میں افطار ضیافت کے موقع پر دوستانہ ملاقات کی۔

عراق میں اسلامی ممالک کے سفیروں کی افطار ضیافت بدھ کی شب بغداد میں اسلامی جمہوریہ ایران کے سفارت خانے میں منعقد ہوئی اور اس کی میزبانی عراق میں ایران کے سفیر محمد کاظم الصادق نے کی۔

اسلامی جمہوریہ ایران کے سفیر محمد کاظم الصادق نے سعودی سفیر عبدالعزیز الشمری اور بغداد میں اسلامی ممالک کے سفیروں کو سفارت خانے کی افطار ضیافت میں شرکت کی دعوت دی جس کا الشمری نے مثبت جواب دیا اور شرکت کی۔ .

اس ضیافت میں سعودی عرب اور ایران کے سفیروں نے مشترکہ تشویش کے امور پر تبادلہ خیال کیا۔