13 رجب المرجب کو حوزہ علمیہ قم کے طلباء کی اجتماعی عمامہ گذاری کی تقریب

 13 رجب المرجب یوم ولادت امیر المومنین علی علیہ السلام کے موقع پر حوزہ علمیہ قم کے طلباء کی اجتماعی عمامہ گذاری کی تقریب کا انعقاد مراجع تقلید اور علمائے کرام کی رہائش گاہ پر ہوا، آیت مکارم شیرازی، نوری ہمدانی، جوادی آملی، وحید خراسانی اور محبان مولائے متقیان کی موجودگی میں عظیم الشان جشن کا بھی اہتمام کیا گیا۔

رپورٹ کے مطابق، ایران بھر سے ہزاروں اور لاکھوں کی تعداد میں اہل بیت اطہار و پاکیزہ (ع) کے چاہنے والوں نے حضرت فاطمہ معصومہ (س) کے روضہ مبارک پر حاضری دے کر اس عظیم دن کو منایا۔

حرم مطہر کے علاوہ مسجد مقدس جمکران اور دوسرے مقاماتِ مقدسہ پر بھی ولادت با سعادت مولائے متقیان علی بن ابی طالب علیہ السلام کی مناسبت سے مختلف تقریبات، تقاریر اور ثقافتی مقابلوں کا انعقاد عمل میں آیا۔