ایرانی حکومت پابندیوں کو بے اثر کرنے کے ساتھ زر مبادلہ کے وسائل کی تک رسائی میں کامیاب ہوگئی

ایرانی صدر مملکت نے ملک کی معیشتی صورتحال کی رپورٹ کی پیش کرتے ہوئے کہا ہے کہ ہماری انتظامیہ نے رواں سال کے دوران اقتصادی ترقی کے لئے بھرپور کوشش کی اور ہم 4 فیصد کی معیشتی ترقی پر پہنچ گئے ہیں۔

یہ بات علامہ سید ابراہیم رئیسی نے اتوار کے روز ایرانی پارلیمنٹ کے اجلاس سے خطاب کرتے ہوئے کہی۔

اس موقع پر انہوں نے سامان کی پیداواری کی 5 فیصد ترقی کا حوالہ دیتے ہوئے کہا کہ تمام پابندیوں کے باوجود ہم گیس کنڈینسیٹس کی پیداوار میں اضافہ کا مشاہدہ کر رہے ہیں اور ایرانی حکومت پابندیوں کو بے اثر کرنے کے ساتھ زر مبادلہ کے وسائل کی تک رسائی میں کامیاب ہوگئی۔

صدر رئیسی نے رواں سال کے دوران سرمایہ کاری کی ترقی، افراط زر کی کمی اور پیداواری کی ترقی کو حکومت کی دوسری کامیابیوں میں سے ایک قرار دیتے ہوئے کہا کہ ہم ابھی صورتحال میں 55 فیصد کی پیداواری ساز و سامان اور آلات کی ترقی کا مشاہدہ کرتے ہیں۔

انہوں نے حکومت کے روزگار کے ریکارڈ کا بھی دفاع کیا اور کہا کہ جب سے انہوں نے عہدہ سنبھالا تھا تب سے ایران میں تقریباً 10 لاکھ ملازمتیں پیدا ہو چکی ہیں۔

ایرانی صدر نے اس سال اناج کی پیداوار میں 17 فیصد اضافے کا اعلان کرتے ہوئے مزید کہا کہ برآمدات بھی 16 سے بڑھ کر 20 ملین ٹن ہوگئی ہیں۔

انہوں نے مزید کہا کہ زراعت کے شعبے میں، علم پر مبنی کاروباری اداروں کی تعداد میں 71 فیصد اضافہ ہوا ہے۔

انہوں نے اس بات پر زور دیا کہ دشمن ہماری کامیابی کی وجہ سے ایرانی ملک کے ایک اہم حصے کو مورد الزام ٹھہرانا چاہتے ہیں، کسی بھی فوج اور کسی مسلح افواج نے دہشت گردی سے لڑنے اور خطے میں دہشت گردوں کی برائی کو کم کرنے کی کوشش نہیں کی جتنی کہ پاسداران انقلاب اسلامی نے کی۔

علامہ رئیسی نے کہا کہ علاقائی ریاستوں کی فوجیں اور خطے کے اعلیٰ عہدے دار تسلیم کرتے ہیں کہ سپاہ پاسداران نے دہشت گردی کے خلاف جنگ میں اہم کردار ادا کیا۔

انہوں نے کہا کہ دہشت گردی کے خلاف جنگ میں سپاہ پاسداران کو ان کے کردار کا ذمہ دار ٹھہرانے کی منصوبہ بندی کرنے والوں کی کوششیں ناکامی سے دوچار ہیں۔