QR codeQR code

شام میں داعش کے ایک سرکردہ رہنما کی ہلاکت کا اعلان

15 Aug 2022 گھنٹہ 20:10

شام کی سرکاری خبر رساں ایجنسی (SANA) نے ایک سیکورٹی ذریعے کے حوالے سے بتایا ہے کہ ملک کی سیکورٹی فورسز نے جنوبی شام میں داعش کے ایک سرکردہ رہنما کو ایک منفرد آپریشن کرتے ہوئے ہلاک کر دیا ہے۔


 شام کے سیکورٹی ذرائع نے ملک کے جنوب میں داعش کے ایک سرکردہ رہنما کی ہلاکت کا اعلان کیا ہے۔

شام کی سرکاری خبر رساں ایجنسی (SANA) نے ایک سیکورٹی ذریعے کے حوالے سے بتایا ہے کہ ملک کی سیکورٹی فورسز نے جنوبی شام میں داعش کے ایک سرکردہ رہنما کو ایک منفرد آپریشن کرتے ہوئے ہلاک کر دیا ہے۔

اس آپریشن کی تفصیلات کے بارے میں اس سیکیورٹی ذریعے نے بتایا کہ یہ کارروائی درعا کے شمال مغربی مضافاتی علاقے میں واقع شہر "طفس" میں کی گئی، جس کے دوران "محمد احمد الحلاق" عرف ابو عمر الجبابی، ایک ہلاک ہو گیا۔

اس ذریعے کے مطابق، الجبابی حوز الیرموک کے علاقے میں داعش کی فوجی شاخ کا سابق سربراہ تھا اور دہشت گرد گروہ کے تربیتی کیمپوں کا انچارج تھا، اور اس نے "ابو سالم العراقی" اور "عبدالرحمن العراقی" کے ساتھ تعاون کیا تھا۔ 

گذشتہ بدھ کو، محمد عبداللہ البائع  عرف "ابو سالم العراقی"، جو داعش کے ایک گروپ کا رہنما تھا، درعا میں شامی سیکورٹی فورسز کے ہاتھوں مارا گیا۔

شام کے شہروں کی آزادی اور تکفیری گروہ داعش کی مبینہ خلافت کے خاتمے کے باوجود اس گروہ کے ارکان کئی لوگوں کے چھوٹے چھوٹے گروہوں کی شکل میں وقتاً فوقتاً فوج اور عام شہریوں پر حملے کرتے ہیں اور جانی و مالی نقصانات سے دوچار ہوتے ہیں۔


خبر کا کوڈ: 561616

خبر کا ایڈریس :
http://www.taghribnews.com/ur/news/561616/شام-میں-داعش-کے-ایک-سرکردہ-رہنما-کی-ہلاکت-کا-اعلان

تقريب خبررسان ايجنسی (TNA)
  http://www.taghribnews.com