جنین پر صیہونی فوج کے بڑے پیمانے پر حملے میں متعدد فلسطینیوں کی گرفتاری

صیہونی حکومت نے جمعرات کی صبح مغربی کنارے کے جنین شہر اور کیمپ پر مختلف علاقوں سے بڑے پیمانے پر چھاپے مارے اور متعدد فلسطینیوں کو گرفتار کر لیا۔

الجزیرہ نیوز چینل کے مطابق صیہونی فوج نے کئی علاقوں سے فلسطینی شہریوں کو حراست میں لینے کے لیے اس حکومت کی فوج کی تنصیبات اور وسیع حمایت کو متحرک کرتے ہوئے شہر جنین اور اس کے کیمپ پر حملہ کیا۔ 

قابض حکومت کے دستوں نے 35 فوجی گاڑیوں اور فوج کے تعاون سے خصوصی یونٹوں کو استعمال کرتے ہوئے کئی علاقوں اور محلوں سے جنین شہر پر حملہ کیا اور فلسطینیوں کے گھروں پر چھاپے مارے۔

جنین کے رہائشیوں کے گھروں پر چھاپہ مار کر صہیونی فورسز نے اسلامی جہاد تحریک کے رہنما شیخ عبدالحلیم عزالدین سمیت 3 شہریوں کو الزہرہ کے محلے میں واقع ان کے گھر سے اغوا کر لیا۔ 

گذشتہ چند مہینوں میں جنین شہر اور کیمپ صیہونی حکومت کی فوج اور سپاہیوں کے حملے کا مشاہدہ کرچکے ہیں جس میں اکثر فلسطینیوں کی شہادت، زخمی اور گرفتاری بھی ہوئی ہے۔

 گذشتہ جون کے اواخر میں صیہونی حکومت کی فورسز نے جنین کے مشرق میں حملہ کرکے اور براہ راست فائرنگ کرکے تین فلسطینی نوجوانوں کو شہید اور 10 کو زخمی کردیا۔ 

صیہونی حکومت کے خصوصی دستوں نے جمعہ ستائیس جون کی صبح سویرے جنین کے مشرق میں حملہ کیا اور ان تینوں فلسطینی نوجوانوں کو لے جانے والی کار پر گولی چلا دی جس سے یہ تینوں موقع پر ہی شہید ہوگئے۔

قتل ہونے والے تین نوجوانوں میں 23 سالہ یوسف ناصر صلاح، 24 سالہ لیتھ صلاح ابوسرور اور 24 سالہ بارا کمال لاوہ شامل ہیں۔