صیہونی اخبار کا کہنا ہے کہ اسرائیل کے ساتھ عرب ممالک کے ایران مخالف اتحاد کا شیرازہ بکھر گیا ہے۔

امریکا کی حمایت سے کچھ عرب ممالک اور صیہونی حکومت کے درمیان رشتے قائم ہونے اور ایران مخالف اتحاد کی تشکیل کے بعد عبری زبان سے ایک اخبار اسرائیل ہیوم نے اپنے ایڈیشن میں ابو ظہبی کے اعلی ذرائع کے حوالے سے لکھا کہ یہ اتحاد ٹوٹ چکا ہے۔

فارس نیوز ایجنسی کی رپورٹ کے مطابق  صیہونی حکومت کے اخبار اسرائیل ہیوم نے اپنی تازہ رپورٹ میں لکھا کہ ایران کے خلاف خلیج فارس کے ساحلی علاقوں کے عرب ممالک اور اسرائیل کے درمیان اتحاد کا شیرازہ بکھر چکا ہے کیونکہ امریکا کے صدر جو بائیڈن سعودی عرب کے شاہی خاندان کے ساتھ عزت سے پیش نہیں آ رہے ہيں جس کی وجہ سے ریاض اور ابو ظہبی نے ایران سے مثبت مذاکرات کے لئے قدم بڑھا دیا ہے۔

اسرائیلی اخبار اس سے اپنی رپورٹ شروع کرتا ہے کہ حالیہ مہینوں کے دوران اور امریکا میں اقتدار کی تبدیلی اور بائیڈن کے وائٹ ہاوس میں داخل ہونے کے بعد سے ریاض اور ابوظہبی میں ایران کے بارے میں خارجہ پالیسی کے حوالے سے نئی حکمت عملی تیار ہوئی اور یہ دونوں ملک، تہران سے سفارتی تعلقات کی بحالی کے خواہشمند ہیں۔