تاریخ شائع کریں2021 27 November گھنٹہ 14:44
خبر کا کوڈ : 528415

عراق کے صوبہ دیالہ میں ہونے والے بم دھماکے میں ٹاسک فورس کے 6 اہلکار زخمی

المعلومہ کی رپورٹ کے مطابق عراق کی عوامی رضا کار فورس حشد الشعبی کے کمانڈر احمد العزاوی نے اس بم دھماکے کے بارے میں کہا کہ یہ بم دھماکہ بعقوبہ کے شمال مشرق کے علاقے العبارہ میں ٹاسک فورس کے جوانوں کے راستے میں ہوا۔
عراق کے صوبہ دیالہ میں ہونے والے بم دھماکے میں ٹاسک فورس کے 6 اہلکار زخمی
عراق کی عوامی رضا کار فورس حشد الشعبی نے کہا ہے کہ صوبہ دیالہ میں ہونے والے بم دھماکے میں ٹاسک فورس کے 6 اہلکار زخمی ہوئے۔

المعلومہ کی رپورٹ کے مطابق عراق کی عوامی رضا کار فورس حشد الشعبی کے کمانڈر احمد العزاوی نے اس بم دھماکے کے بارے میں کہا کہ یہ بم دھماکہ بعقوبہ کے شمال مشرق کے علاقے العبارہ میں ٹاسک فورس کے جوانوں کے راستے میں ہوا۔

یہ دھماکہ ایسے میں ہوا کہ جب جعمرات کے روز دہشتگرد تکفیری گروہ داعش کی دہشتگردانہ کارروائی کو ناکام بناتے ہوئے عراق کی عوامی رضا کار فورس حشد الشعبی نے گزشتہ 48 گھنٹوں کے دوران بغداد کے جنوبی علاقے میں داعش دہشت گردوں کے ہتھیاروں سے بھرے 3 خفیہ گوداموں سے بھاری مقدار میں جدید قسم کے ہتھیار، میزائل اور گولہ بارود برآمد کر کے بغداد کو بڑی تباہی سے بچایا تھا۔ داعش نے ان ہتھیاروں سے دہشتگردانہ کارروائی کا منصوبہ بنایا تھا۔

عراق میں داعش دہشت گردوں نے ایک بار پھر سراٹھانے کی کوشش کی ہے اور وہ منظم ہو رہے ہیں جبکہ ان دہشت گرد عناصر کے خلاف عراقی سیکورٹی فورسز بھی مختلف علاقوں میں کارروائی جاری رکھے ہوئے ہیں۔

واضح رہے کہ عراق میں دو ہزار سترہ میں داعش دہشت گرد گروہ کی شکست کا اعلان کیا گیا تھا تاہم اس ملک کے بعض علاقوں میں داعش سے وابستہ کچھ دہشت گرد عناصر روپوش ہیں جو موقع ملنے پر دہشت گردانہ حملے کر کے عراقی عوام میں خوف و ہراس پیدا کرنے کی کوشش کرتے ہیں تاہم عراقی فوج اور عوامی رضاکار فورس نے داعش دہشت گرد گروہ کے ان باقی بچے عناصر کا صفایا کرنے کے لئے بھی کارروائی شروع کر رکھی ہے۔
https://taghribnews.com/vdcezv8nnjh8wei.dqbj.html
آپ کا نام
آپکا ایمیل ایڈریس
سکیورٹی کوڈ