تاریخ شائع کریں2021 27 September گھنٹہ 20:06
خبر کا کوڈ : 520527

سعودی اتحاد کی ایک اہم فوجی چھاؤنی پر یمنی فوج اور عوامی رضاکار فورس کا کنٹرول

یمن کی فوج نے ان کارروائیوں میں الخشینا فوجی چھاؤنی کو اپنے کنٹرول میں لے لیا ہے۔ یمن کے فوجیوں نے العبدیہ اور الجوبہ علاقوں پر کنٹرول حاصل کرتے ہوئے شہر مآرب کی جانب پیشقدمی شروع کردی ہے اور العبدیہ میں سیکڑوں سعودی زرخریدوں کو گھٹنے ٹیکنے پر مجبور کر دیا ہے۔
سعودی اتحاد کی ایک اہم فوجی چھاؤنی پر یمنی فوج اور عوامی رضاکار فورس کا کنٹرول
یمن کی فوج اور عوامی رضاکار فورس نے ایک کارروائی کرکے شہر مآرب کے جنوب میں جارح سعودی اتحاد کی ایک اہم فوجی چھاؤنی الخشینا کو اپنے کنٹرول میں لے لیا ہے۔

المسیرہ ٹی وی کی رپورٹ کے مطابق اس کارروائی میں یمنی فوج اور رضاکار فورس نے جنوبی مآرب کے الجوبہ علاقے کے ام ریش صحرا میں جارح سعودی اتحاد کے دسیوں فوجیوں کو ہلاک اور زخمی کر دیا ہے۔

یمن کی فوج نے ان کارروائیوں میں الخشینا فوجی چھاؤنی کو اپنے کنٹرول میں لے لیا ہے۔ یمن کے فوجیوں نے العبدیہ اور الجوبہ علاقوں پر کنٹرول حاصل کرتے ہوئے شہر مآرب کی جانب پیشقدمی شروع کردی ہے اور العبدیہ میں سیکڑوں سعودی زرخریدوں کو گھٹنے ٹیکنے پر مجبور کر دیا ہے۔

اس بیچ میڈیا ذرائع نے صوبہ مآرب میں جارح سعودی اتحاد کے وسیع حملوں کی خبر دی ہے۔ فارس نیوز ایجنسی کی رپورٹ کے مطابق جارح سعودی اتحاد کے جنگی طیاروں نے صوبہ مآرب کے صرواع علاقے پر چھے مرتبہ اور حریب و الجوبہ شہروں پر کم سے کم چوبیس بار بمباری کی ہے۔

جارح سعودی اتحاد کے جنگی طیاروں نے اتوار کو صوبہ الجوف کے شہر الحزم کو بھی حملوں کا نشانہ بنایا تھا۔ صوبہ صعدہ کا سرحدی علاقہ شدا بھی جارح سعودی اتحاد کے راکٹوں اور توپخانوں کے حملوں کا نشانہ بنا۔ ابھی ان حملوں میں ہونے والے جانی و مالی نقصانات کی رپورٹیں سامنے نہیں آئی ہیں۔

جارح سعودی اتحاد، صوبہ مآرب کے محاذوں پر اپنے فوجیوں اور زرخرید جنگجوؤں کی شکست کے بعد آج کل اس صوبے کو پہلے سے زیادہ وحشیانہ طریقے سے فضائی حملوں کا نشانہ بنا رہا ہے۔
 
http://www.taghribnews.com/vdcauwnm049num1.zlk4.html
آپ کا نام
آپکا ایمیل ایڈریس