روسی الیکشن کمیشن کے آئی ٹی سینٹر نے انتخابی ویب سائٹوں پر سائبر حملے

روسی الیکشن کمیشن کے آئی ٹی سینٹر نے انتخابی ویب سائٹوں پر سائبر حملے کی خبر دی ہے۔

اسپوٹنک نیوز ایجنسی کے مطابق روسی الیکشن کمیشن کے آئی ٹی سینٹر کے چیف الیگزنڈر سوکو لچوک نے سنیچر کو اعلان کیا ہے کہ پارلیمانی الیکشن کے پہلے اور دوسرے دن بیرون ملک سے تین سائبر حملے کئے گئے۔ انھوں نے بتایا کہ ان حملوں کے باعث کچھ دیر کے لئے انتخابی ویب سائٹوں تک دسترسی منقطع ہوگئی تھی۔

یاد رہے کہ روس کے پارلیمانی انتخابات پر نگرانی کے مرکز اور ماسکو سوشل سینٹر کے سربراہ الیکسی ونڈک توف نے جمعے کو ایک پریس کانفرنس میں اعلان کیا تھا کہ انتخابات شروع ہوتے ہی انٹرنیٹ ووٹنگ سسٹم پر کئی بار حملے ہوئے لیکن کوئی بھی سائبر حملہ اس سسٹم کو ہماری دسترس سے باہر نہ کرسکا۔ واضح رہے کہ روس میں جمعے کو پارلیمانی انتخابات شروع ہوئے ہیں جو اتوارکی شام تک جاری رہیں گے ۔