آذربائیجان کے ساتھ ہونے والی فوجی جھڑپ میں آرمینیا کے تین فوجی اہلکار ہلاک

جمہوریہ آذربائیجان کے ساتھ ہونے والی ایک فوجی جھڑپ میں آرمینیا کے کم سے کم تین فوجی اہلکار ہلاک ہو گئے۔

آرمینیا کی وزارت دفاع نے سرحدی علاقے میں آذربائیجان کے فوجیوں کی فائرنگ میں اپنے تین فوجیوں کی ہلاکت کی تصدیق کرتے ہوئے اعلان کیا ہے کہ آذربائیجان کی جانب سے جنگ بندی کی خلاف ورزی جاری ہے۔

آرمینیا کی وزارت دفاع کے بیان میں کہا گیا ہے کہ آذربائیجان کے فوجیوں نے منگل کے روز بھی گقر گونیک اور یراسخ پر حملے کئے تھے۔

یہ ایسی حالت میں ہے کہ آذربائیجان کا دعوی ہے کہ آرمینیا جنگ بندی کی پابندی نہیں کر رہا ہے۔

واضح رہے کہ سمتر دو ہزار بیس میں دونوں ملکوں کے درمیان قرہ باغ کے مسئلے پر جنگ شروع ہو گئی تھی جو نومبر میں روس کی وساطت سے ختم ہوئی تھی۔