بحرین میں سیاسی قیدیوں کی رہائی کا مطالبہ

بحرین کے عوام نے سنابس کے علاقے میں ایک بار پھر مظاہرہ کر کے سیاسی قیدیوں کی رہائی کا مطالبہ کیا ہے۔

صوت المنامہ کی رپورٹ کے مطابق مظاہرے کے شرکاء نے آل خلیفہ حکومت کے خلاف نعرے لگائے اور عام شہریوں اور انقلابیوں کے خلاف تشدد اور دشمنانہ اقدامات سے باز رہنے کا مطالبہ کیا۔

سنابس میں ہونے والے مظاہرے کے شرکاء نے سیاسی قیدیوں کی گرفتاری کی مذمت کی اور آل خلیفہ کی جیلوں سے ان کی جلد سے جلد رہائی کا مطالبہ کیا۔

بحرین میں چودہ فروری دو ہزار چودہ سے ڈکٹیٹر آل خلیفہ حکومت کے خلاف احتجاجی مظاہرے ہو رہے ہیں۔ بحرین پر مسلط موروثی اور ڈکٹیٹر آل خلیفہ حکومت عوامی مطالبات تسلیم کرنے کے بجائے آل سعود کے فوجیوں کی مدد سے مظاہروں کو کچل دیتی ہے اور مظاہرین کو تشدد کا نشانہ بناتی ہے۔