تاریخ شائع کریں2021 16 June گھنٹہ 19:45
خبر کا کوڈ : 508111

پاکستان اور بھارت میں مقیم ایرانی شہریوں کے لئے پولنگ اسٹیشن قائم

جبکہ پاکستان میں بھی صدارتی انتخابات میں  ایرانی شہریوں کے ووٹ ڈالنے کے لئے دارالحکومت اسلام آباد کے علاوہ لاہور، کراچی ، کوئٹہ ،پشاور اور ملتان میں پولنگ اسٹیشن قائم کئے گئے ہیں۔
پاکستان اور بھارت میں مقیم ایرانی شہریوں کے لئے پولنگ اسٹیشن قائم
پاکستان اور بھارت میں مقیم ایرانی شہریوں کے لئے ایران کے تیرہویں صدارتی انتخابات میں ووٹ ڈالنے کے لئے پولنگ اسٹیشن قائم کردیئے گئے ہیں۔

مہر خبررساں ایجنسی کی رپورٹ کے مطابق پاکستان اور بھارت میں مقیم ایرانی شہریوں کے لئے ایران کے تیرہویں صدارتی انتخابات میں ووٹ ڈالنے کے لئے متعدد مقامات پر پولنگ اسٹیشن قائم کردیئے گئے ہیں۔ اطلاعات کے مطابق بھارت میں مقیم ایرانیوں کے لیے دہلی، بمبئی ، حیدرآباد، بنگلور، پونہ اور راجہ مندری میں  پولنگ اسٹیشن قائم کئے گئے ہیں.

جبکہ پاکستان میں بھی صدارتی انتخابات میں  ایرانی شہریوں کے ووٹ ڈالنے کے لئے دارالحکومت اسلام آباد کے علاوہ لاہور، کراچی ، کوئٹہ ،پشاور اور ملتان میں پولنگ اسٹیشن قائم کئے گئے ہیں۔

ذرائع کے مطابق بھارت اور پاکستان میں مقیم ایرانی شہریوں نے ایران کے تیرہویں صدارتی انتخابات میں بھر پور شرکت کا فیصلہ کیا ہے۔ ایرانی وزارت خارجہ کے ترجمان کا کہنا ہے کہ دیگر ممالک میں بھی ایرانی شہریوں کے انتخابات میں شرکت کے سلسلے میں تمام انتظامات مکمل کرلئے گئے ہیں۔ واضح رہے کہ ایران کے تیرہویں صدارتی انتخابات 18 جون بروز جمعہ منعقد ہوں گے۔
http://www.taghribnews.com/vdcfycdtyw6dxya.k-iw.html
آپ کا نام
آپکا ایمیل ایڈریس