تاریخ شائع کریں2021 17 May گھنٹہ 19:55
خبر کا کوڈ : 504352

اسلامی تحریک مزاحمت حماس کا پلڑا بھاری

حالیہ حملے میں بیت المقدس اورتل ابیب میں ایک ہی وقت میں بمباری کرکے اسرائیل کے بن گوریان ہوائی اڈے پر پروازیں معطل کرادیں ہیں جس کے بعد یہ کہنا کہ  غزہ میں اسرائیلی فوج کی بمباری سے تباہی کے باوجودحماس کا پلڑا بھاری ہےغلط نہ ہوگا۔
اسلامی تحریک مزاحمت حماس کا پلڑا بھاری
 اسرائیلی روزنامہ  نے لکھا ہے کہ غزہ کی پٹی پرحالیہ حملے میں اسلامی تحریک مزاحمت حماس کا پلڑا بھاری ہے۔

اسرائیل کے عبرانی اخباریدیعوت احرونوت کے مطابق  مقبوضہ فلسطین اسرائیلی فوج اور مزاحمت کاروں کے مابین حالیہ بدترین لڑائی اور بم باری میں صیہونی ریاستی دہشتگردی اور بدترین مظالم کے خلاف برسرپیکار اسلامی مزاحمتی تحریک حماس نے یکے بعد دیگر کئی کامیابیاں حاصل کی ہیں جبکہ حالیہ حملے میں بیت المقدس اورتل ابیب میں ایک ہی وقت میں بمباری کرکے اسرائیل کے بن گوریان ہوائی اڈے پر پروازیں معطل کرادیں ہیں جس کے بعد یہ کہنا کہ  غزہ میں اسرائیلی فوج کی بمباری سے تباہی کے باوجودحماس کا پلڑا بھاری ہےغلط نہ ہوگا۔

 عبرانی اخبار کے مطابق  غرب اردن اور القدس میں فلسطینیوں کی نظر میں تحریک حماس کی مقبولیت اور بھی بڑھ گئی ہےجس کا فائدہ اٹھاتے ہوئے حماس نے سنہ 1948ء کے مقبوضہ فلسطینی علاقوں میں موجود عرب آبادی کو بھی صہیونی حکومت کے خلاف بر سر پیکار کیا ہے جس کے نتیجے میں فلسطینیوں اور اسرائیلی پولیس کے درمیان جھڑپیں جاری ہیں اور تزویراتی طورپر حماس جو چاہتی تھی اسے حاصل ہوچکا ہے۔

خیال رہے کہ اسرائیلی فوج کے غزہ کی پٹی پر گذشتہ ایک ہفتے سے جاری حملوں کے نتیجے میں 192 فلسطینی شہید ہوچکے ہیں۔ شہدا میں 50  بچے اور 30 خواتین شامل ہیں جب کہ 2 ہزار سے زائد زخمی ہوئے ہیں۔
https://taghribnews.com/vdciw5awrt1aup2.s7ct.html
آپ کا نام
آپکا ایمیل ایڈریس
سکیورٹی کوڈ