تاریخ شائع کریں2021 14 May گھنٹہ 23:43
خبر کا کوڈ : 503926

ایران کا عالمی اداروں سے غاصبانہ قبضہ ختم کرانے کا مطالبہ کیا ہے

وزارت خارجہ کے اس بیان میں کہا گیا ہے کہ اس سال یوم نکبہ ایک ایسے وقت آیا ہے کہ جب پائیدار فلسطین ، قدس پر قابض غاصب اور درندہ صفت صیہونی حکومت کے بے شرمانہ مظالم کے ایک نئے مرحلے سے دوچار ہے اور خون اور قیام کی حالت میں ہے۔
ایران کا عالمی اداروں سے غاصبانہ قبضہ ختم کرانے کا مطالبہ کیا ہے
اسلامی جمہوریہ ایران نے دنیا بھر کی حکومتوں اور عالمی اداروں سے جاری صیہونی جرائم و جارحیت کا مقابلہ کرنے اور غاصبانہ قبضہ ختم کرانے کا مطالبہ کیا ہے-

ایران کی وزارت خارجہ کے ترجمان نے یوم النکبہ کی مناسبت سے ایک بیان جاری کرکے دنیا کے ممالک اور عالمی اداروں سے مطالبہ کیا ہے کہ وہ فلسطین پرغاصبانہ قبضہ ختم کرانے اور صیہونیوں کے وحشیانہ جرائم کا مقابلہ کرنے کے سلسلے میں اپنی ذمہ داریوں پر عمل کریں ۔

وزارت خارجہ کے اس بیان میں کہا گیا ہے کہ اس سال یوم نکبہ ایک ایسے وقت آیا ہے کہ جب پائیدار فلسطین ، قدس پر قابض غاصب اور درندہ صفت صیہونی حکومت کے بے شرمانہ مظالم کے ایک نئے مرحلے سے دوچار ہے اور خون اور قیام کی حالت میں ہے۔

اسلامی جمہوریہ ایران کی وزارت خارجہ کے بیان میں مزید کہا گیا ہے کہ تہتر سال پہلے چودہ مئی انیس سو اڑتالیس کو ملت فلسطین ایک بین الاقوامی سازش کے تحت اپنی آبائی سرزمین سے محروم کرد‏ی گئی اوراس کی جگہ باہر سے آئے ہوئے لوگوں کی ایک دہشت گرد و جعلی حکومت قائم کردی گئی۔

ایران کی وزارت خارجہ کے بیان میں کہا گیا ہے کہ صیہونیوں نے غصب شدہ فلسطین کو ملت فلسطین اور علاقے کی اقوام کے خلاف دہشتگردی کا اڈہ بنا کررکھ دیا اور ان تہتر برسوں میں امریکہ اور بعض دیگرعالمی طاقتیں اس خبیث حکومت کی حمایت کرتی رہیں اوراب بھی اس دہشتگرد حکومت کے لامتناہی جرائم پر آنکھیں بند کئے ہوئے ہیں۔

بیان میں کہا گیا ہے کہ جرائم پیشہ صیہونیوں نے بین الاقوامی قوانین و معیارات کے برخلاف نیزہ و تلوار کے بل بوتے پرتمام فلسطینی زمینوں پر قبضہ کرلیا ، اس کی آبادی کے تانے بانے کو درہم برہم کردیا ، مقامی افراد کو دربدر و بے گھر کردیا اور ان کی جگہ اس مقدس سرزمین پر صیہونی مہاجروں کو لاکر بسا دیا۔

اس بیان میں مزید کہا گیا ہے کہ افسوس کہ ایسی حالت میں جب آج کل بیت المقدس پر قابض غاصب صیہونی حکومت اپنے پست وجود کا قانونی جواز ثابت کرنے میں لگی ہوئی ہے ہم نسل پرست صیہونیوں کے ہاتھوں نہتھے اور بےپناہ فلسطینیوں کے قتل عام اور بیت المقدس نیز دیگر دینی مقامات کے تقدس کی پامالی کا مشاہدہ کررہے ہیں تاہم پروردگار کے لطف و کرم سے اسے عوامی استقامت اور انتفاضہ فلسطین کے دنداں شکن جواب کا سامنا ہے۔

اسلامی جمہوریہ ایران کی وزارت خارجہ کے اس بیان میں فلسطین کے مظلوم عوام کے خلاف بیت المقدس کی غاصب حکومت کے حالیہ مجرمانہ اقدامات کی شدید مذمت کرتے ہوئے حکومتوں اور عالمی اداروں سے صیہونیوں کے جاری جرائم کا مقابلہ کرنے اور غاصبانہ قبضہ ختم کرانے کی ذمہ داری پر عمل کرنے کا مطالبہ کیا گیا ہے ۔

اس بیان کے مطابق اسلامی جمہوریہ ایران نے فلسطینی اہداف سے یکجہتی کا اعلان کرتے ہوئے زور دیا ہے کہ بحران فلسطین کا واحد راہ حل اس ملک میں سیاسی نظام کی تشکیل اور فلسطینیوں کو مکمل خودمختاری کے لئے ریفرنڈم کرانا ہے جس میں فلسطین کے تمام اصلی باشندوں کو شامل کیا جائے اور صرف انھیں کی رائے لی جائے۔
http://www.taghribnews.com/vdcewx8npjh87oi.dqbj.html
آپ کا نام
آپکا ایمیل ایڈریس