امریکی وزیر دفاع نے پاکستانی فوج کے سربراہ جنرل قمر جاوید باجوہ سے ٹیلیفون پرافغانستان میں قیام امن کے بارے میں تبادلہ خیال کیا ہے۔

مہر خبررساں ایجنسی نے ایکس پریس کے حوالے سے نقل کیا ہے کہ  امریکی وزیر دفاع نے پاکستانی فوج کے سربراہ جنرل قمر جاوید باجوہ سے ٹیلیفون پرافغانستان میں قیام  امن کے بارے میں تبادلہ خیال کیا ہے۔ پینٹا گون ترجمان کے مطابق امریکی وزير دفاع لائیڈ جے آسٹن نے پاکستانی فوج کے سربراہ  کے ساتھ  افغانستان سے امریکی فوج کے انخلا پر تبادلہ خیال کیا،  گفتگو میں علاقائی استحکام کی اہمیت پر بھی بات چیت کی گئی۔

ترجمان کا کہنا ہے کہ امریکی وزیر دفاع نے پاک امریکہ تعلقات کی اہمیت پر زور دیا اور مشترکہ مقاصد کے حصول کے لیے مل کر کام کرنے کی خواہش کا اظہار بھی کیا۔