روسی صدر پر قاتلانہ حملے کرنے والے جوڑے پر قاتلانہ حملہ
نامعلوم شخص کی فائرنگ کے نتیجے میں آدم اسمایف کی ۳۴ سالہ بیوی امینہ اوکیویوا موقف پر ہلاک ہوگئی جبکہ آدم زخمی ہوگیا
نامعلوم شخص کی فائرنگ کے نتیجے میں آدم اسمایف کی ۳۴ سالہ بیوی امینہ اوکیویوا موقف پر ہلاک ہوگئی جبکہ آدم زخمی ہوگیا
شیئرینگ :
روسی صدر ولادیمیر پیوٹن پر قاتلانہ حملے سے شہرت پانے والے چیچن جنگجو پر فائرنگ کی اطلاعات ہیں۔
تقریب خبر رساں ایجنسی کے مطابق سن ۲۰۱۲ میں روسی صدر ولادیمیر پیوٹن پر قاتلانہ حملے کا منصوبہ بنانے کے الزام میں گرفتار ہونے والے چیچن شہری پر یوکراین کے دارالحکومت کیوو میں اس وقت حملہ کیا گیا جب وہ اپنی بیوی کے ہمراہ اپنی گاڑی میں ریلوے کراسنگ عبور کر رہا تھا۔
نامعلوم شخص کی فائرنگ کے نتیجے میں آدم اسمایف کی ۳۴ سالہ بیوی امینہ اوکیویوا موقف پر ہلاک ہوگئی جبکہ آدم زخمی ہوگیا۔
یوکراین کی وزارت داخلہ نے اس واقعے کی تحقیقات کا آغاز کردیا ہے۔
واضح رہے کہ سن ۲۰۱۲ میں آدم اسمایف کو روسی صدر ولادیمیر پیوٹن پر قاتلانہ حملے کا منصوبہ بنانے کے الزام میں گرفتار کر لیا گیا تھا۔ بعد از آں اسمایف کو روس کے حوالے کئے جانے کے عمل کو انسانی حقوق کی یورپی عدالت نے ملتوی کرتے ہوئے آدم اسمایف کو یوکراین میں ہی دو برس قید کی سزا سنائی تھی۔ اس پر صرف دھماکہ خیز مواد رکھنے کا الزام عائد کیا گیا تھا۔
آدم اسمایف اور اسکی بیوی روس کی حمایت یافتہ بٹالین کے خلاف لڑنے والی رضاکار فورس کا حصہ تھے جس نے مشرقی یوکراین میں روسی حمایت یافتہ افراد کے خلاف جنگ میں حصہ لیا تھا۔
خیال رہے کہ رواں سال جون میں بھی ان دونوں پر قاتلانہ حملہ ہوا تھا لیکن امینہ اوکیویوا نے حملہ آور کو موقع پر ہی گولی مار کر ہلاک کر دیا تھا۔