تاریخ شائع کریں2017 30 October گھنٹہ 12:28
خبر کا کوڈ : 291018

طالبان کے حملے ۲۵ افغان اہلکار ہلاک اور زخمی

ہشت گردوں نے بھاری ہتھیاروں سے کارروائی کی جس کے باعث اہلکاروں کو جوابی کارروائی کا موقع نہ مل سکا
افغان سیکیورٹی حکام نے دعویٰ کیا ہے کہ صوبہ ننگر ہار میں فضائی حملے میں کالعدم داعش کے 14 دہشت گرد ہلاک ہوگئے ہیں
طالبان کے حملے ۲۵ افغان اہلکار ہلاک اور زخمی
افغانستان میں طالبان کے حملوں کے نتیجے میں 19 سکیورٹی اہلکار ہلاک اور 6 زخمی ہو گئے۔

افغان طالبان کے ترجمان ذبیح اللہ مجاہد نے حملے کی ذمہ داری قبول کرتے ہوئے چوکی پر قبضے کا بھی دعویٰ کیا ہے۔

افغان صوبے قندوز میں چیک پوسٹ پر حملے کے نتیجے میں 13 اہلکار ہلاک ہوگئے۔

ضلعی پولیس کے سربراہ حیات اللہ امیری نے واقعے کی تصدیق کرتے ہوئے کہا کہ حملے کے وقت 14 پولیس اہلکار چوکی میں موجود تھے، دہشت گردوں نے بھاری ہتھیاروں سے کارروائی کی جس کے باعث اہلکاروں کو جوابی کارروائی کا موقع نہ مل سکا تاہم ایک پولیس اہلکار جان بچا کر بھاگ نکلا۔ دہشت گرد حملے کے بعد سرکاری ہتھیار، بکتر بند اور فوجی گاڑی بھی ساتھ لے گئے۔

دوسرا حملہ افغانستان کے جنوبی صوبہ زابل کے ارغان آباد ضلع میں کیا گیا، زابل کے گورنر بسم اللہ افغانمال نے خبررساں ادارے ڈی پی اے کو بتایا، ’’افسوسناک بات ہے کہ6 افغان پولیس اہلکار ہلاک جبکہ آٹھ دیگر زخمی ہوئے۔

دوسری جانب افغان سیکیورٹی حکام نے دعویٰ کیا ہے کہ  صوبہ ننگر ہار میں فضائی حملے میں کالعدم داعش کے 14 دہشت گرد ہلاک ہوگئے ہیں۔

سیکیورٹی حکام کا کہنا ہے کہ ننگرہار کے علاقے خوگیانو میں جیٹ طیاروں کی مدد سے داعش کے ٹھکانوں پر بمباری کی گئی جس کے نتیجے میں ناصرف دہشت گردوں کے ٹھکانے بھی تباہ ہوئے بلکہ 14 دہشت گرد ہلاک ہوئے ہیں۔
https://taghribnews.com/vdca66nua49now1.zlk4.html
آپ کا نام
آپکا ایمیل ایڈریس
سکیورٹی کوڈ