تاریخ شائع کریں2013 17 September گھنٹہ 14:44
خبر کا کوڈ : 140930
علامہ سید ساجد علی نقوی :

جب تک دہشتگردوں کو کیفر کردار تک نہیں پہنچایا جاتا امن کا قیام ممکن نہیں

تنا (TNA) برصغیر بیورو
سانحہ اپر دیر کی شدید الفاظ میں مذمت کرتے ہوئے سربراہ اسلامی تحریک علامہ ساجد نقوی نے کہا کہ عام شہریوں سے لے کر ججز، فوجی افسران، علماء، بے یارو مددگار مسافر، صحافیوں سمیت کسی کی بھی جان محفوظ نہیں۔
جب تک دہشتگردوں کو کیفر کردار تک نہیں پہنچایا جاتا امن کا قیام ممکن نہیں
تقریب نیوز (تنا): ملی یکجہتی کونسل پاکستان کے قائم مقام سربراہ نے سانحہ اپر دیر کی مذمت کرتے ہوئے کہا ہے کہ دہشت گردی سے عام شہری سے لے کر اعلٰی افسران تک کوئی بھی محفوظ نہیں، جب تک عوام کو حقائق سے آگاہ اور دہشتگردوں کو کیفر کردار تک نہیں پہنچایا جاتا، اس وقت تک ملک میں امن و استحکام ممکن نہیں۔ ان خیالات کا اظہار انہوں نے اپر دیر میں فوجی افسران و جوانوں کی شہادت پر اظہار افسوس کرتے ہوئے کیا۔

انہوں نے کہا کہ دہشت گردی کے واقعات میں کمی نہیں آرہی اور آئے روز دہشت گردی کی وارداتوں سے یہ بات واضح ہوتی جا رہی ہے کہ دہشت گرد ملک میں امن کے دشمن ہیں۔

سربراہ شیعہ علماء کونسل نے کہا کہ ملک میں عام شہریوں سے لے کر ججز، فوجی افسران، علماء، بے یارو مددگار مسافر، صحافیوں سمیت کسی کی بھی جان محفوظ نہیں، عبادت گاہوں سے لیکر اقلیتی برادری تک تمام طبقات دہشت گردی کا شکار ہیں۔ پورا ملک بدامنی کی تصویر بنا ہوا ہے، اس لئے اب وقت ہے کہ عوام کو اصل حقائق سے آگاہ کیا جائے، کیونکہ جب تک دہشت گردوں کے سرپرستوں کو بے نقاب کرکے انہیں کیفر کردار تک نہیں پہنچایا جاتا، اس وقت تک ملک میں امن و استحکام کا خواب شرمندۂ تعبیر نہیں ہوسکتا۔

اس موقع پر انہوں نے اپر دیر سانحہ میں جاں بحق ہونیوالے فوجی افسران و جوانوں کیلئے دعائے مغفرت اور لواحقین کیلئے صبر جمیل کی دعا کی اور کہا کہ فوجی افسران و جوانوں کی ملکی دفاع کیلئے قربانیاں لائق تحسین ہیں۔
https://taghribnews.com/vdcgwz9qzak9ty4.,0ra.html
منبع : جعفریہ پریس
آپ کا نام
آپکا ایمیل ایڈریس
سکیورٹی کوڈ