تقريب خبررسان ايجنسی 19 Apr 2021 گھنٹہ 20:56 http://www.taghribnews.com/ur/news/500643/فلسطینی-اسیران-کی-رہائی-ہر-چیز-پر-مقدم-ہیں -------------------------------------------------- ٹائٹل : فلسطینی اسیران کی رہائی ہر چیز پر مقدم ہیں -------------------------------------------------- صہیونی  جیلوں میں قید کی صعوبتیں برداشت کر نے والے اسیر فلسطین کا سرمایہ ہیں اس حوالےسے ہم علاقائی اور عالمی فورمز پر بھی آواز بلند کریں گے اور اسیران کی تکالیف کم کرنےکے لیے ہم تمام تر وسائل کو بروئے کار لائیں ‌گے۔ ​​​​​​​ متن : خالد مشعل نے کہا ہے کہ فلسطینی اسیران کی رہائی ہر چیز پر مقدم رہے گی، اسرائیلی جیلوں میں قید آخری فلسطینی کی رہائی تک اپنی کوششیں جاری کھیں گے یہ ہماری اولین ذمہ داریوں میں سے ہے۔ مقبوضہ فلسطین میں قابض اسرائیل کی ریاستی دہشتگردی کے خلاف برسرپیکار اسلامی تحریک مزاحمت حماس کے بیرون ملک جماعت کے سربراہ خالد مشعل نےیوم اسیران کے موقع پر صہیونی جیلوں میں قید فلسطینی اسیروں کے نام پیغام میں کہا ہے کہ صہیونی عقوبت خانوں میں پابند سلاسل فلسطینیوں کا معاملہ پوری فلسطینی قوم کے دل، عقل اور وجدان میں موجود ہے ، صیہونی دشمن سے مذاکرات کے ذریعے فلسطینیوں کو رہا نہیں کرایا جاسکتا بلکہ دشمن کو مزاحمت کے ذریعے قیدیوں کو چھوڑنے پرمجبور کیا جائے گا۔ انہوں نے مزید کہا کہ صہیونی جیلوں میں قید کی صعوبتیں برداشت کر نے والے اسیر فلسطین کا سرمایہ ہیں اس حوالےسے ہم علاقائی اور عالمی فورمز پر بھی آواز بلند کریں گے اور اسیران کی تکالیف کم کرنےکے لیے ہم تمام تر وسائل کو بروئے کار لائیں گے۔ ان کا کہنا تھا کہ حماس کیلئے اسیران کی رہائی اساسی نوعیت کی مہم ہے، ہم اسیران کو دشمن کی قید سے رہائی کیلئے کوششیں جاری رکھیں گے۔ فلسطینی اسیران کی رہائی ہماری اجتماعی ذمہ داری ہے۔