ایرانی پارلیمنٹ میں عنقریب میانمار کے سلسلے میں نشست
بدقسمتی سے میانمار کے مسلمانوں کی حالت زار پر عالمی برادری خاموش ہے
گذشتہ چند دنوں میں میانمار کی فوج اور بدھ مت کے انتہاپسندوں نے مل کر روہنگیا مسلمانوں کے خلاف پرتشدد کاروائیاں تیز کی ہیں جس کے نتیجے میں ہزاروں مسلمان جاں بحق ہوگئے
تاریخ شائع کریں : چهارشنبه ۲۲ شهريور ۱۳۹۶ گھنٹہ ۱۱:۵۰
موضوع نمبر: 283548
 
اسلامی جمہوریہ ایران کی پارلیمنٹ میں میانمار کے سلسلے میں عنقریب غیر معمولی نشست منعقد کی جائے گی۔

پارلیمنٹ کی قومی سلامتی اور خارجہ پالیسی کمیٹی کے ڈپٹی چیئرمین 'کمال دہقانی فیروز آبادی' نے کہا ہے کہ میانمار کے مسلمانوں کے خلاف فوج کی پرتشدد کاروائیوں کے رد عمل میں مجلس کی ہنگامی نشست ہوگی جس میں وزارت خارجہ کے اعلی حکام بھی شریک ہوں گے. 

انہوں نے کہا کہ بدقسمتی سے میانمار کے مسلمانوں کی حالت زار پر عالمی برادری خاموش ہے.

انہوں نے اقوام عالم پر زور دیا کہ وہ میانمار کے مسلمانوں کے قتل عام رکوانے کے لئے اپنا کردار ادا کریں.

واضح رہے کہ گذشتہ چند دنوں میں میانمار کی فوج اور بدھ مت کے انتہاپسندوں نے مل کر روہنگیا مسلمانوں کے خلاف پرتشدد کاروائیاں تیز کی ہیں جس کے نتیجے میں ہزاروں مسلمان جاں بحق ہوگئے.

اقوام متحدہ نے بھی اس قتل عام پر اپنی تشویش کا اظہار کیا ہے. 
Share/Save/Bookmark