تاریخ شائع کریں2017 7 November گھنٹہ 15:47
خبر کا کوڈ : 292410

سونے میں لدے شہزادوں کے بستر زمین پر لگ گئے

400 سے زائد گرفتار افراد میں 11 شہزادوں، 4 موجودہ وزراء اور متعدد سابق وزیروں سمیت 48 اہم شخصیات کے علاوہ دنیا کی امیرترین شخصیات میں شمار ہونے و
400 سے زائد گرفتار افراد میں 11 شہزادوں، 4 موجودہ وزراء اور متعدد سابق وزیروں سمیت 48 اہم شخصیات کے علاوہ دنیا کی امیرترین شخصیات میں شمار ہونے والے شہزادہ ولید بن طلال بھی شامل ہیں
سونے میں لدے شہزادوں کے بستر زمین پر لگ گئے
ریاض کے مشہورِ زمانہ ’’رٹز کارلٹن‘‘ فائیو اسٹار ہوٹل میں بدعنوانی کے الزامات کے تحت نظربند سعودی شہزادوں اور دیگر اہم شخصیات کے سونے کےلیے زمین پر لگائے گئے بستروں کی ایک مختصر ویڈیو امریکی اخبار نیویارک ٹائمز نے جاری کردی ہے۔ امریکی اخبار نے اس حوالے سے ویڈیو بھی جاری کی ہے۔

اس ویڈیو کے بارے میں نیویارک ٹائمز کا دعویٰ ہے کہ ہوٹل کے ہال میں دیکھے جانے والے بستروں پر سوئے ہوئے افراد سعودی شہزادے ہیں جنہیں سعودی عرب کے ولی عہد محمد بن سلمان کی تشکیل کردہ انسداد بدعنوانی کمیٹی نے گرفتار کیا ہے اور انہیں رٹز کارلٹن کے بڑے ہال ’’بال روم بی‘‘ میں نظربند کردیا گیا ہے۔

سعودی عرب کے اٹارنی جنرل شیخ سعود الموجب کا حوالہ دیتے ہوئے نیوریارک ٹائمز لکھتا ہے کہ یہاں (ہوٹل کے بڑے ہال میں) نظربند تمام افراد سے تفصیلی پوچھ گچھ کی جارہی ہے۔ دوسری جانب ولی عہد محمد بن سلمان نے اپنے بیان میں کہا ہے کہ شہزادوں سمیت تمام گرفتار شدگان کو اپنے دفاع کا پورا موقع دیا جائے گا۔

واضح رہے کہ 400 سے زائد گرفتار افراد میں 11 شہزادوں، 4 موجودہ وزراء اور متعدد سابق وزیروں سمیت 48 اہم شخصیات کے علاوہ دنیا کی امیرترین شخصیات میں شمار ہونے والے شہزادہ ولید بن طلال بھی شامل ہیں۔
https://taghribnews.com/vdchziniv23nwkd.4lt2.html
آپ کا نام
آپکا ایمیل ایڈریس
سکیورٹی کوڈ