ایٹمی معاہدے کے خلاف ٹرمپ کی پالیسیاں غیرموثر ہیں

برطانیہ کے وزیرخارجہ کا کہنا ہے کہ امریکہ میں عمومی طور پر ایران جوہری معاہدے کو برقرار رکھنے کی فضا قائم ہے لہذا اس عالمی معاہدے کے خلاف صدر ڈونلڈ ٹرمپ کی پالیسیاں غیرموثر ثابت ہوں گی.

بورس جانسن نے اسلامی جمہوریہ ایران کے نائب صدر اور قومی جوہری توانائی ادارے کے سربراہ علی اکبر صالحی کے ساتھ ملاقات میں گفتگو کرتے ہوئے کہا کہ ہم نے امریکہ کے حالیہ دورے اور کانگریس کے نمائندوں کے ساتھ ملاقات کے موقع پر جوہری معاہدے کی حمایت پر زور دیا.

جانسن نے دونوں ممالک کے درمیان بینکاری تعلقات کا حوالہ دیتے ہوئے کہا کہ ہماری کوششوں کے ساتھ بینکاری رکاٹیں دور ہو رہی ہیں.

انہوں نے برطانیہ کی جانب سے ایران جوہری معاہدے کی حمایت کو اشارہ کرتے ہوئے کہا کہ اسلامی جمہوریہ ایران خطے کے بحرانوں کے حل میں اہم کردار ادا کر رہا ہے.

اس موقع پر ڈاکٹر علی اکبر صالحی نے اس بات پر زور دیا کہ اسلامی جمہوریہ ایران کی پہلی پالیسی جوہری معاہدے کے مطابق عمل کرنا ہے.

انہوں نے بینکاری تعلقات میں رکاٹوں کو دور کرنے پر زور دیتے ہوئے کہا کہ جوہری معاہدے کے تحفظ کے لئے ایسی رکاوٹوں کو دور کرنا ناگزیر ہیں.

ملاقات کے دوران فریقین نے علاقائی ممالک سمیت عراق، شام اور یمن کی تازہ ترین تبدیلیوں اور ایران اور سعودی عرب کے درمیان تعلقات کا جائزہ لیا.

دونوں ممالک کے اعلی حکام نے سائنسی، جوہری طب اور ادویات کے شعبوں میں باہمی تعاون کی ترقی پر دلچسبی کا اظہار کیا.