مداحان اہلیبیت کی بین الاقوامی کانفرنس کا آغاز ہوگیا
اس کانفرنس کا مقصد ذاکرین، مداحوں اور نوحہ خوان حضرات کی حوصلہ افزائی کرنا ہے
اس موقع پر امام حسین علیہ السلام کی تحریک کے مقاصد اور محبت اہلبیت کے حوالے سے دو علمی نشستوں کا بھی اہتمام کیا جائے گا
تاریخ شائع کریں : چهارشنبه ۲۲ شهريور ۱۳۹۶ گھنٹہ ۱۶:۵۲
موضوع نمبر: 283644
 
سینیئر ذاکرین اور مداحان اہلبیت اطہار اور نوحہ خوانوں کی پندرہویں عالمی کانفرنس مرکزی ایران کے شہر اصفہان میں شروع ہوگئی ہے۔

بدھ سے شروع ہونے والی اس کانفرنس کا مقصد اہل بیت عصمت و طہارت کی مدح سرائی اور امام حسین علیہ السلام کے غم میں نوحہ خوانی میں قابل قدر خدمات انجام دینے والے ذاکرین، مداحوں اور نوحہ خوانوں  کی حوصلہ افزائی کرنا ہے۔

صوبائی ڈائریکٹر جنرل برائے ثقافت و اسلامی رہنما‏ئی حجت الاسلام حبیب رضا ارزانی نے بتایا ہے کہ اس کانفرنس میں، برطانیہ، ہندوستان، افغانستان، بحرین، چلی، ارجنٹائن، ملائیشیا اور جمہوریہ آذربائیجان سمیت دنیا کے بتیس ملکوں کے ساٹھ سے زائد ذاکرین اور نوحہ خوان حضرات شریک ہیں۔

انہوں نے کہا کہ اس کانفرنس کے دوران ستر سے نوے برس کے ذاکرین مداحوں اور نوحہ خوانوں کی خدمات کی قدر دانی کے ساتھ ساتھ مصائب امام حسین علیہ اسلام کے حوالے سے دو کتابوں کی رونمائی بھی کی جائے گی۔

اس موقع پر امام حسین علیہ السلام کی تحریک کے مقاصد اور محبت اہلبیت کے حوالے سے دو علمی نشستوں کا بھی اہتمام کیا جائے گا۔

اس سے پہلے سینیئر ذاکرین اور مداحان اہلبیت اطہار اور نوحہ خوان حجڑتا نے اصفہان میں داخل ہوتے ہی اصفہان کے شہداء کے قبرستان گلستان شہدا کا رخ کیا اور شہدا کو خراج عقیدت پیش کیا۔
 
Share/Save/Bookmark