تاریخ شائع کریں2017 18 November گھنٹہ 14:44
خبر کا کوڈ : 294260

فرانس ایران کے داخلی امور میں مداخلت نہ کرے

میزائل کے موضوع اور ایران کی پالیسی سے متعلق فرانسیسی صدر کا بیان مداخلت آمیز ہے
عالمی امور میں رہبر معظم انقلاب اسلامی حضرت آیت اللہ العظمی سید علی خامنہ ای کے مشیر اور سابق وزیر خارجہ ڈاکٹر علی اکبر ولایتی نے کہا ہے کہ میزائل کے موضوع اور ایران کی پالیسی سے متعلق فرانسیسی صدر کا بیان مداخلت آمیز ہے
فرانس ایران کے داخلی امور میں مداخلت نہ کرے
عالمی امور میں رہبر معظم انقلاب اسلامی کے مشیر نے کہا ہے کہ میزائل کے موضوع پر فرانس کی ایران کے داخلی امور میں مداخلت پیرس کے مفاد میں نہیں ہے۔

عالمی امور میں رہبر معظم انقلاب اسلامی حضرت آیت اللہ العظمی سید علی خامنہ ای کے مشیر اور سابق وزیر خارجہ ڈاکٹر علی اکبر ولایتی نے آج صبح ہمارے نمائندے کے ساتھ گفتگو کرتے ہوئے فرانس کے صدرامانوئل میکرون کے ایران مخالف بیان کی مذمت کرتے ہوئے میزائل کے موضوع اور ایران کی پالیسی سے متعلق فرانسیسی صدر کی مداخلت آمیز بیان پر کہا کہ اس قسم کے بیانات سے ایران کے نزدیک فرانس کی اہمیت کم ہوگی۔

ڈاکٹرعلی اکبر ولایتی نے اس جانب اشارہ کرتے ہوئے کہ ایران اپنے دفاعی پروگرام پر کسی سے اجازت نہیں لیتا کہا کہ اگر فرانس ایران کے ساتھ روابط کا فروغ چاہتا ہے تو اسے ایران کے امور میں مداخلت سے پرہیز کرنا چاہئیے اس لئے کہ یہ فرانس کے قومی مفاد میں ہے۔

عالمی امور میں رہبر معظم انقلاب اسلامی کے مشیر کا کہنا تھا کہ ایران کے میزائلی پروگرام کے حوالے سے فرانس کے سوال کا جواب منفی ہے اور ایران کے داخلی امور میں ہر قسم کی مداخلت کا جواب منفی ہی ہو گا۔

واضح رہے کہ فرانس کے صدر نے جمعہ کے روز یورپی یونین کے اجلاس میں کہا تھا کہ ایران میزائلی پروگرام  کے حوالے سے اپنا موقف واضح کرے اور علاقے میں عدم جارحیت پر مبنی حکمت عملی اپنائے۔
https://taghribnews.com/vdcce0qix2bqoi8.c7a2.html
آپ کا نام
آپکا ایمیل ایڈریس
سکیورٹی کوڈ