جماعت اسلامی کے امیر سراج الحق کی قیادت میں سہہ پہر تین بجے نیپا چورنگی سے حسن اسکوائر تک ملین مارچ کیا جائے گا
فلسطین سے اظہار یکجہتی اور بیت المقدس کو اسرائیل کا دارالحکومت تسلیم کرنے کے امریکی اعلان کے خلاف جماعت اسلامی آج کراچی میں ملین مارچ کرے گی
شیئرینگ :
فلسطین سے اظہار یکجہتی اور بیت المقدس کو اسرائیل کا دارالحکومت تسلیم کرنے کے امریکی اعلان کے خلاف جماعت اسلامی آج کراچی میں ملین مارچ کرے گی۔ جماعت اسلامی کے امیر سراج الحق کی قیادت میں سہہ پہر تین بجے نیپا چورنگی سے حسن اسکوائر تک ملین مارچ کیا جائے گا جسے 'القدس ملین مارچ'' کا نام دیا گیا ہے۔
جماعت اسلامی کی جانب سے ریلی کے مقامات پر فلسطین اور پارٹی پرچم کے علاوہ مختلف بینرز آویزاں کردیے گئے ہیں جن پر فلسطین سے اظہار یکجہتی اور امریکا کے خلاف نعرے درج ہیں۔
ملین مارچ کے لئے تمام تر انتظامات مکمل کرلئے گئے ہیں جب کہ نیپار چورنگی اور حسن اسکوائر جانے والی ٹریفک کو متبادل سڑکوں پر موڑا گیا ہے۔
ٹریفک پولیس کی جانب سے شہریوں کو متبادل راستہ اختیار کرنے کا کہا گیا ہے جب کہ ان کی رہنمائی کے لئے ٹریفک اہلکار بھی تعینات ہوں گے۔ امیر جماعت اسلامی سراج الحق کا کہنا ہے کہ القدس مارچ پاکستان کی تاریخ کا سب سے بڑا مارچ ہوگا۔