روسی فوجوں کے بتدریج انخلا کا باضابطہ حکم جاری

روس کے صدر نے شام سے اپنی فوجوں کے بتدریج انخلا کا  باضابطہ حکم دے دیا ہے۔

تقریب خبر رساں ایجنسی کے مطابق روس کے صدر ولادیمیر پیوٹن نے شام سے اپنی فوجوں کے تدریجی انخلاء کے حکم نامے پر باضابطہ طور پر دستکظ کردیئے۔

واضح رہے کہ روس کے صدر ولادیمیر پیوٹن  نے آج  اپنے شام کے دورے پر حمیمیم ہوائی اڈے کا دورہ کیا  جہاں شام کے صدر بشار اسد نے ان کا استقبال کیا۔

اس ملاقات میں ولادیمیر پیوٹن نے اپنی فوجوں کے شام سے انخلاء کے حکم نامے پر دستخط کئے۔

پیوٹن نے اس موقع پر گفتگو کرتے ہوئے کہا کہ شام اور روس کی فوجوں نے گذشتہ دوسالوں کے دوران ایک دوسرے کے تعاون سے دنیا کے سب سے طاقتور دہشتگرد گروہ کو شکست دی ہے۔

روسی صدر نے مزید کہا کہ اگر دہشتگردوں نے دوبارہ شام واپس آنے کی کوشش کی تو انہیں روسی افواج کی جانب سے سخت کارروائی کا سامنا کرنا پڑے گا۔