ایرانی صدر مملکت نے کہا کہ ہم یمن کو کورونا ویکسین کے بھیجنے کیلیے تیار ہیں۔

یہ بات سید ابراہیم رئیسی نے آج بروز ہفتہ یمن کی سپریم پولیٹیکل کونسل کے چیئرمین "مہدی المشاط"  کے ساتھ  ایک ٹیلی فونک رابطے کے دوران گفتگو کرتے ہوئے کہی۔

انہوں نے کہا کہ ایران یمن کو انسانی امداد خاص طور پر کورونا ویکسین کے بھیجنے کیلیے تیار ہے۔

صدر رئیسی نےیمنی عوام کی مزاحمت کو سراہتے ہوئے یمن کی علاقائی سالمیت اور خودمختاری کے تحفظ کی ضرورت پر زور دیا۔

انہوں نے کہا کہ ایران وہ جنگ بندی کی حمایت کرتا ہے جو مکمل امن اور یمنی عوام کے خلاف ظالمانہ اقتصادی ناکہ بندی کے مکمل خاتمے کا باعث بنے گی۔

اس موقع پر مہدی المشاط نے یمنی عوام کی آواز کو دنیا تک پہنچانے اور بین الاقوامی فورمز میں یمن کے مظلوم عوام سے ایران کی حمایت کی تعریف کرتے ہوئے ایران کے ساتھ تعلقات اور تعاون کےمزید فروغ پر زور دیا۔