فلسطینی مزاحمت نے آج بحیرہ روم میں آٹھ میزائل داغے

غزہ کی پٹی میں فلسطینی مزاحمت کاروں نے اپنی فوجی صلاحیت کو بڑھانے کے لیے آج بروز ہفتہ ایک میزائل کا تجربہ کیا۔

مرکزاطلاعات فلسطین کے مطابق فلسطینی ذرائع نے بتایا کہ فلسطینی مزاحمت نے اپنی فوجی صلاحیت میں اضافے اور درستگی میں اضافے کے تحت بحیرہ روم میں آٹھ میزائل داغے۔

صہیونی ذرائع ابلاغ نے بھی اس خبر کی تصدیق کی ہے: حماس نے غزہ سے سمندر میں آٹھ میزائل داغے ہیں جو ایک انتباہی علامت ہے۔

فلسطینی مزاحمتی گروہوں نے حال ہی میں صیہونی حکومت کو مسجد الاقصی پر کسی بھی حملے اور بیت المقدس میں اس کے بڑھتے ہوئے حملوں اور جارحیت کے نتائج سے خبردار کیا ہے۔

بیت المقدس میں کشیدگی میں اضافے اور مسجد الاقصی پر صیہونی حکومت کے پے درپے حملے کے بعد گذشتہ سال غزہ مزاحمت اور صیہونی حکومت کے درمیان سیف القدس کی لڑائی شروع ہوئی تھی۔

صیہونیوں نے یروشلم کے پرانے حصے میں مسجد الاقصی پر اشتعال انگیز فلیگ مارچ کی کال دی ہے جس کے نتائج کے بارے میں فلسطینیوں اور علاقے کی جماعتوں کی طرف سے شدید انتباہات سامنے آئے ہیں۔