ایران نے کہا ہے کہ یورپی ممالک امریکہ کی پیروی کرتے ہوئے ایران پر غیر قانونی دباو نہ ڈالیں ۔

اسلامی جمہوریہ ایران کی یورپ کے امور میں وزارت خارجہ کے ڈائریکٹر پیمان سعادت نے برسلز میں یورپی کمیشن کے نمائندوں کے ساتھ ہونے والی ملاقات میں موجودہ جوہری معاہدے پر مکمل عمل در آمد سے متعلق یورپ کی وعدہ خلافی اور موجودہ جوہری معاہدے پر سمجھوتے کی راہ میں مسائل و مشکلات کی جانب اشارہ کرتے ہوئے کہا کہ ہر ملک اور ادارے کی جانب سے ایران پر دباو ڈالنے والے ہتھکنڈے اور پالیسی ایران کے ارادوں اور فیصلوں کو متاثر نہیں کر سکتی اور ایران اس حوالے سے مناسب جواب دے گا۔

ایران اور یورپی کمیشن کے نمائندوں نے اس ملاقات میں دوجانبہ روابط خاص طور سے اقتصادی روابط، ٹیکنالوجی اور ثقافتی امور میں روابط کے فروغ پر تبادلہ خیال کیا۔

پیمان سعادت نے اپنے یورپی ممالک کے دورے کے دوران پرتقال، ایر لینڈ اور فنلینڈ کے اعلی حکام سے ملاقاتیں کیں اور وہ اپنے دورے کے آخری مرحلے میں بلجیم بھی جائیں گے۔