بیرون ملک حماس کی قیادت کے چناؤ

 بیرون ملک سیاسی سرگرمیوں کے لیےنئی قیادت کا چناؤ عمل میں لایا گیا ہے جس میں خالد مشعل صدر اور موسیٰ ابومرزوق نائب صدر کے طور پر مقررکردیئے گئے ہیں۔

مقبوضہ فلسطین میں قابض صیہونی ریاست اسرائیل کی ریاستی دہشتگردی کے خلاف برسرپیکار اسلامی تحریک مزاحمت حماس کی جانب سے جاری کردہ بیان میں تصدیق کی گئی ہے کہ نئے جماعتی انتخابات میں جماعت کے سیاسی شعبے کے سابق سربراہ خالد مشعل کو بیرون ملک سیاسی سرگرمیوں کے صدر اور موسیٰ ابو مرزوق کو نائب صدر کے طور پر مقرر کیا گیا ہے۔

بیان میں کہا گیا ہے کہ اندرون اور بیرون ملک حماس کی قیادت کے چناؤ کا کئی ماہ سے جاری عمل مکمل ہوگیا ہے۔انتخابات میں نئی قیادت اور شوریٰ کا چناؤ کیا گیا ہے،پارٹی انتخابات مکمل طور پر شفاف اور آزادانہ طور پر منعقد کیے گئے۔

بیان میں نئی منتخب قیادت کی قضیہ فلسطین اور قوم کے لیے خدمات پر انہیں خراج تحسین پیش کرتے ہوئے ان کی استقامت کے لیےدعا کی گئی ہے۔