QR codeQR code

شامی وزارت خارجہ کی سرحدی علاقوں پر امریکی بمباری کی مذمت

27 Feb 2021 گھنٹہ 13:01

شام کی وزارت خارجہ نے امریکہ کے جنگی طیاروں کی جانب سے عراق اور شام کے سرحدی علاقوں پر ہونے والی بمباری کی مذمت کی ہے


شام کی وزارت خارجہ نے امریکہ کے جنگی طیاروں کی جانب سے عراق اور شام کے سرحدی علاقوں پر ہونے والی بمباری کی مذمت کی۔

سانا کی رپورٹ کے مطابق شام کی وزارت خارجہ نے ایک بیان جاری کرتے ہوئے شام اور عراق کے سرحدی علاقوں پر امریکہ کے بزدلانہ حملے کی مذمت کرتے ہوئے جو عالمی قوانین اور اقوام متحدہ کے منشور کی واضح خلاف ورزی ہے کہا کہ اس قسم کے حملوں سے علاقے کی صورتحال بری طرح کشیدہ ہو جائے گی۔

شام کی وزارت خارجہ نے اس قسم کے حملوں کو امریکہ کی منفی سیاست کا شاخسانہ قرار دیتے ہوئے کہا کہ توقع کی جاتی ہے کہ امریکہ کی نئی حکومت قانون کی پاسداری کرتے ہوئے علاقائی اور عالمی بحرانوں سے نمٹنے کیلئے ٹرمپ حکومت کی طرح جنگل کے قانون پر عمل نہیں کرے گی۔

واضح رہے کہ کل دہشتگرد امریکہ کے جنگی طیاروں نے عراق اور شام کے سرحدی علاقے البوکمال اور القائم  میں ایک گھر اور ایک اور مقام پر بمباری کی  جس کے نتیجے میں 30 افراد شہید اور زخمی ہوئے۔


خبر کا کوڈ: 494609

خبر کا ایڈریس :
https://www.taghribnews.com/ur/news/494609/شامی-وزارت-خارجہ-کی-سرحدی-علاقوں-پر-امریکی-بمباری-مذمت

تقريب خبررسان ايجنسی (TNA)
  https://www.taghribnews.com