عراقی فوج اور حشد الشعبی کا مشترکہ آپریشن، داعش کا مفتی ہلاک

شمالی بغداد کے علاقہ الطارمیہ میں عراقی فوج اور حشد الشعبی کے مشترکہ آپریشن میں داعش کے مفتی سمیت پانچ دہشت گرد ہلاک ہوگئے۔

عراق کی سرکاری نیوز ایجنسی کی رپورٹ کے مطابق حشد الشعبی نے اعلان کیا ہے کہ شمالی عراق بغداد میں ایک مشترکہ آپریشن کے دوران داعشی دہشت گرد گروہ کےالطارمیہ علاقہ میں تعینات مفتی کو ہلاک کردیا گیا۔

واضح رہے کہ حشد الشعبی کی فورسز سے وابستہ الطارمیہ رجمنٹ کا شمالی شہر الطارمیہ میں داعش کے متعدد دہشت گردوں کے ساتھ تصادم ہوا جس میں تین دہشت گرد ہلاک ہوگئے جبکہ حشد الشعبی سے وابستہ رجمنٹ کے تین ارکان شہید اور دو دیگر زخمی ہوگئے۔

الاعلام الامنی میڈیا گروپ نے تصادم کی تفصیلات کے بارے میں بتایا ہے کہ الطارمیہ باغات میں ایک دہشت گرد گروہ کی موجودگی سے اس وقت مفصل معلومات حاصل کی گئیں جب عراقی فوج کی چھٹی ڈویژن اور حشد الشعبی کی مشترکہ فورس نے اس علاقے پر حملہ کیا۔

رپورٹ کے مطابق خبر کے شائع ہونے تک جھڑپیں جاری تھیں اور اب تک حشد الشعبی فورس کے دو اہلکاوں کی شہادت اور ایک فوجی کے زخمی ہونےنیز پانچ دہشت گردوں کے ہلاک ہو نے کی خبر منظر عام پر آچکی ہے تایم علاقے میں سرچ آپریشن جاری ہے۔

یادرہے کہ اگر عراقی حکومت اس ملک سے داعش کے خاتمہ کا اعلان کر چکی ہے تاہم اس تنظیم کے باقی ماندہ عناصر آئے دن متعدد علاقوں میں کارائیاں کر تے رہتے ہیں جس کے لیے انھیں امریکہ سمیت عراق میں موجود تمام غیر ملکی طاقتوں کی مکمل پشت پناہی حاصل ہے۔

ادھر عراقی عوامی تنظیم حشد الشعبی نے بھی اپنے ملک سے دہشت گردوں کا صفایا کرنے کی ٹھان رکھی ہے اور وہ انھیں ہر مقام پر شکست کے دوچار کررہے ہیں اگرچہ خود بھی بہت قربانیان دینا پڑ رہی ہیں ،یہی وجہ ہے حشد الشعبی امریکہ کو ایک آنکھ نہیں بھاتی اور وہ اس کے پیچھے پڑا ہوا ہے۔