تاریخ شائع کریں2021 14 February گھنٹہ 16:01
خبر کا کوڈ : 493038

کووڈ 19 کی نئی قسم زیادہ مہلک اور خطرناک

برطانوی جینیاتی ادارے جنیو مکس نے اعلان کیا ہے کہ کووڈ 19 کی نئی قسم 50 سے زائد ممالک میں شناخت کی جا چکی ہے
کووڈ 19 کی نئی قسم زیادہ مہلک اور خطرناک
برطانوی جینیاتی ادارے جنیو مکس نے اعلان کیا ہے کہ کووڈ 19 کی نئی قسم 50 سے زائد ممالک میں شناخت کی جا چکی ہے۔

عالمی وباء قرار دیے جانے والے کورونا وائرس کی نئی قسم زمین پر زیادہ خوف و ہراس پیدا کر سکتی ہے کیونکہ یہ زیادہ وبائی اور جان لیوا ہے۔ غیرملکی خبررساں ادارے کے مطابق یہ بات برطانوی جینیٹک تجزیاتی پروگرام "جنیو مکس یو کے" کے ڈائریکٹر شیرون پی کاک نے برطانوی نشریاتی ادارے کو انٹرویو دیتے ہوئے بتائی۔

انہوں نے کہا کہ کووڈ 19 کی نئی قسم کی 50 سے زائد ممالک میں شناخت کی جا چکی ہے۔

انہوں نے کہا کہ اس بات کے امکانات موجود ہیں کہ کورونا کی نئی قسم دنیا بھرکو اپنی لپیٹ میں لے لے گی۔

 کورونا کی نئی قسم بی117 کے نام سے منسوب کی گئی ہے۔ دوسری جانب عالمی وباء کورونا وائرس کے خلاف ویکسینیشن مہم کے مثبت اثرات مرتب ہونے لگے ہیں اور سائنسدانوں نے دعویٰ کیا ہے کہ کورونا ویکسینیشن کے نتیجے میں شرح اموات میں کمی آنے لگی ہے۔

سائنسدانوں کا کہنا ہے کہ ہسپتالوں میں مریضوں کی کمی کے ساتھ مارچ کے وسط تک دو تہائی کمی کا امکان ظاہر کیا جا رہا ہے جبکہ سائنسدان انتہائی نگہداشت میں شرح اموات میں بھی 36 فیصد تک ریکارڈ کمی کیلئے پر امید ہیں۔ 
http://www.taghribnews.com/vdcgww9t7ak9yz4.,0ra.html
آپ کا نام
آپکا ایمیل ایڈریس