پٹاخے بنانے کی فیکٹری میں آگ لگ جانے سے درجنوں ہلاک اور زخمی
تامل ناڈو کے ضلع ویردھ نگر کے ایک گاؤں میں پٹاخہ فیکٹری میں جمعے کی دو پہر اچانک آگ لگ گئی جس کے بعد متعدد دھماکوں کی آوازیں سنی گئیں
شیئرینگ :
بھارت کی ریاست تامل ناڈو میں آتش بازی کا سامان بنانے کے ایک کارخانے میں آگ لگ جانے سے کم سے کم سات افراد ہلاک اور درجنوں زخمی ہوگئے۔
بھارتی خبررساں اداروں کے مطابق تامل ناڈو کے ضلع ویردھ نگر کے ایک گاؤں میں پٹاخے بنانے کی فیکٹری میں جمعے کی دو پہر اچانک آگ لگ گئی جس کے بعد متعدد دھماکوں کی آوازیں سنی گئیں۔ آگ لگنے سے فیکٹری میں ہونے والے دھماکوں کی آوازیں دو کلومیٹر دور تک سنی گئیں۔
مقامی لوگوں نے بتایا ہے کہ اس حادثے میں ہلاک ہونے والوں کی جلی ہوئی لاشیں فیکٹری کےاحاطے میں بکھری دیکھی گئیں ہیں۔ سرکاری ذرائع نے سات ہلاکتوں کی تصدیق کی ہے۔ حادثے میں درجنوں افراد زخمی ہوئے ہیں جن میں سے کئی کی حالت نازک بتائی گئی ہے۔بعض ذرائع نے مرنے والوں کی تعداد گیارہ بتائی ہے۔
سرکاری تفتیشی اداروں نے حادثے کی تحقیقات شروع کردی ہیں ۔ ابتدائی رپورٹ میں بتایا گیا ہے کہ آگ کسی کیمیکل سے لگی ہے۔
فلسطینی وزارت صحت نے آج (ہفتہ) دوپہر کے وقت اعلان کیا کہ صیہونی حکومت نے گزشتہ 24 گھنٹوں کے دوران جرائم کے 4 واقعات میں 37 فلسطینی شہریوں کو شہید اور 68 کو زخمی ...