شام میں واشنگٹن کی حکمت عملی ناکام ہوگئی، سابق امریکی سفیر

دمشق میں امریکا کے سابق سفیر رابرٹ فورڈ نے اپنے مقالے میں اعتراف کیا ہے کہ شام میں واشنگٹن کی حکمت عملی ناکام ہوگئی۔

انہوں نے فارین آفئرز میں شائع اپنے مقالے میں امریکا کی جانب سے کرد مسلح گروہوں کی حمایت کی تنقید کرتے ہوئے کہا کہ یہ مسلح گروہ، ان عرب شہروں کے خلاف حملے کرتے رہتے ہیں، جن پر ترکی کا کنٹرول ہے اور اسی وجہ سے عربوں اور کردوں کے درمیان شدید جھڑپیں ہوتی رہتی ہیں۔

رابرٹ فورٹ نے اپنے مقالے میں لکھا کہ امریکا کے حمایت یافتہ کردوں کے سیاسی تسلط کی وجہ سے عربوں میں وسیع پیمانے پر ناامیدی پائی جاتی ہے۔ کرد اسی طرح ان شہروں کی آئیل فیلڈز پر بھی قابض ہیں۔

حالیہ رپورٹوں سے پتہ چلتا ہے کہ کرد ڈیموکریٹک فورس کے عسکریت پسندوں نے امریکی فوجیوں کی حمایت سے الحسکہ صوبے کے کئی علاقوں پر قبضہ کر رکھا ہے اور ان علاقوں کے باشندوں کے ساتھ غیر انسانی سلوک کرتے ہیں۔