تاریخ شائع کریں2021 11 January گھنٹہ 14:56
خبر کا کوڈ : 489266

بھارت پاکستان میں دہشت گردوں کی پشت پناہی کر رہا ہے،وزیرخارجہ پاکستان

پاکستان کا دفاع کرنے کی پوری صلاحیت رکھتے ہیں اس لئے بھارت ہم پر ہرگز حاوی نہیں ہوسکتا۔وزیرخارجہ محمود قریشی
بھارت پاکستان میں دہشت گردوں کی پشت پناہی کر رہا ہے،وزیرخارجہ پاکستان
پاکستان کے وزیرخارجہ شاہ محمود قریشی کا کہنا ہے کہ پاکستان کا دفاع کرنے کی پوری صلاحیت رکھتے ہیں اس لئے بھارت ہم پر ہرگز حاوی نہیں ہوسکتا۔

پاکستان کے نجی اخبار ایکسپریس نیوز کے پروگرام ایکسپریسو سے خصوصی گفتگو کے دوران شاہ محمود قریشی نے کہا کہ بھارت پاکستان میں دہشت گردوں کی پشت پناہی کر رہا ہے، بھارت ہم پر ہرگز حاوی نہیں ہو سکتا، پاکستان کا دفاع کرنے کی پوری صلاحیت رکھتے ہیں۔

شاہ محمود قریشی نے  کہا  کہ بھارت چاہتا تھا کہ وہ افغانستان میں اسٹیک ہولڈر بن جائے لیکن اسے ناکامی ہوئی،اب وہ افغانستان میں امن خراب کر رہا ہے۔ ہم نے عالمی برادری سے ڈوزیئر شیئر کیا ہے جس میں بھارت کا مکروہ چہرہ بے نقاب کرنے کی کوشش کی ہے.

امریکا میں انتقال اقتدار اور پاکستان پر اس کے اثرات پر وزیر خارجہ نے کہا کہ ریاستی تعلقات میں ہمیشہ مفادات مقدم ہوتے ہیں، ڈونلڈ ٹرمپ کا اپنا ایک منفرد انداز تھا، وہ ٹویٹس سے اظہار کرتے تھے لیکن نئی امریکی حکومت کا انداز مختلف ہو گا،نو منتخب صدر جو بائیڈن خارجہ امور پر خاصی مہارت رکھتے ہیں، وہ پاکستان اور خطے سے پوری طرح واقف ہیں، وہ یہاں بہت سے افراد کو جانتے ہیں، ہم بھی ان کی سوچ کو سمجھتے ہیں۔

شاہ محمود قریشی کا کہنا تھا کہ پی ڈی ایم مثبت نہیں ایک منفی اتحاد ہے، ان کا مقصد صرف منتخب حکومت کو گھر بھیجنا ہے، وہ عمران خان کو زک پہنچانا اور اداروں پر دباؤ پر ڈال کر این آر او حاصل کرنا چاہتے ہیں ، استعفوں کے معاملے پر پی ڈی ایم میں یکسوئی نہیں، لانگ مارچ پر بھی ابھی تک کوئی حتمی فیصلہ نہیں ہوا، یہ تاخیر اس لیے ہو رہی ہے کہ ان میں ابھی تک اتفاق نہیں، 31 جنوری کی ڈیڈ لائن کے بعد وہ فیصلے کریں گے۔
http://www.taghribnews.com/vdcepo8epjh8vwi.dqbj.html
آپ کا نام
آپکا ایمیل ایڈریس