تاریخ شائع کریں2021 6 January گھنٹہ 21:51
خبر کا کوڈ : 488697

شمالی کوریا کے صدر کا معاشی پالیسیوں کی ناکامی کا اعتراف

شمالی کوریا کے حکمراں کم جونگ اُن نے حکومت کے پانچ برس مکمل ہونے پر ایک اعلیٰ سطح اجلاس میں ملک کی معاشی پالیسیوں کی ناکامی کا اعتراف کرلیا ہے
شمالی کوریا کے صدر کا معاشی پالیسیوں کی ناکامی کا اعتراف
شمالی کوریا کے حکمراں کم جونگ اُن نے حکومت کے پانچ برس مکمل ہونے پر ایک اعلیٰ سطح اجلاس میں ملک کی معاشی پالیسیوں کی ناکامی کا اعتراف کرلیا ہے۔ 

کوریائی سینٹرل نیوز ایجنسی کے مطابق حکمراں جماعت کے پانچ سالہ دور کے اختتام پر کم جونگ اُن نے اپنی ناکامی کا اعتراف کرتے ہوئے کہا کہ ملک کی اقتصادی پالیساں ناکام رہی ہیں جس کی وجہ سے اہم اہداف حاصل نہیں کرپائے۔

یہ خبر پڑھیں : عوام کی مشکلات حل نہ کرنے اور ناقص کارکردگی پرکم جونگ اُن روپڑے
کِم جونگ اُن نے ایک اعلیٰ سطح کے اجلاس کی سربراہی کرتے ہوئے کہا کہ 2016 میں مقرر کیے گئے اہداف تمام شعبوں میں بڑی حد تک پورے نہیں ہوسکے چنانچہ اب ملک کو اس تکلیف دہ سبق کا اعادہ نہیں کرنا چاہئے۔

شمالی کوریا کے سربراہ نے اس میٹنگ میں اپنی حکومت کی بڑی کامیابیوں کا تذکرہ کیا تاہم معاشی پالیسی کی ناکامی کا اعتراف غیر معمولی واقعہ ہے۔ اس سے قبل فوجی پریڈ سے خطاب کرتے ہوئے کم جونگ اُن ناکامی کا اعتراف کرتے ہوئے رو پڑے تھے۔

واضح رہے کہ شمالی کوریا کے امریکا کے ساتھ ہونے والے جوہری توانائی سے متعلق مذاکرات کسی نتیجے پر نہیں پہنچ سکے تھے جس کے بعد سے امریکی اقتصادی پابندیاں تاحال برقرار ہیں۔
http://www.taghribnews.com/vdcb9wbazrhbw0p.kvur.html
آپ کا نام
آپکا ایمیل ایڈریس